മലയാളത്തില്‍ "ദൃശ്യം' മാത്രം; അന്‍സിബ പറഞ്ഞത് നട്ടാല്‍ കുരുക്കാത്ത നുണ!

ജിത്തു ജോസഫിന്റെ ദൃശ്യം അന്‍സിബ എന്ന കോഴിക്കോട്ടുകാരി യെ ശ്രദ്ധേയയാക്കിയിരിക്കുന്നു. മോഹന്‍ലാലിന്റെ പ്ലസ്ടു വിദ്യാര്‍ഥിനിയായ മകളായി മികച്ച പ്രകടനമാണ് അന്‍സിബയുടേത്. ദൃശ്യം ഹിറ്റായതോടെ അതിലെ പ്രധാനനടി എന്ന നിലയില്‍ ചാനലുകളില്‍ അന്‍സിബയുടെ മുഖാമുഖങ്ങളും വന്നുതുടങ്ങി. 

അഭിമുഖങ്ങളില്‍ അന്‍സിബ തട്ടിവിട്ടത് ഇത്തിരി കൂടിപ്പോയില്ലേ എന്നൊരു സംശയം. തമിഴ് സിനിമയിലാണ് അഭിനയത്തുടക്കമെന്നും ചാനലിലെ റിയാലിറ്റി ഷോയില്‍ വിന്നറായിരുന്നുവെന്നും അതിന്റെ ഫോട്ടോ പത്രത്തില്‍ കണ്ട ജിത്തു ജോസഫ് സാര്‍ ദൃശ്യത്തിലേക്ക് നേരിട്ടു ക്ഷണിക്കുകയായിരുന്നുവെന്നുമൊക്കെ അന്‍സിബ തന്നെക്കുറിച്ച് വാചാലയായി.

ഇതിനിടയില്‍ ഒരു കാര്യം മനഃപൂര്‍വം വിട്ടുകളയുകയും ചെയ്തു. സലിംബാബ സംവിധാനംചെയ്തു പുറത്തിറങ്ങാനിരിക്കുന്ന ഗുണ്ട എന്ന ചിത്രത്തിലാണ് താന്‍ ആദ്യമായി നായികവേഷം അണിഞ്ഞതെന്ന വസ്തുത. ഗുണ്ടയില്‍ അഭിനയിക്കുന്നതിനിടയിലാണ് അന്‍സിബ ദൃശ്യത്തിലും ഒരു വേഷം ചെയ്തത്. ഗുണ്ട പുതുമുഖങ്ങള്‍ അഭിനയിച്ച ചെറിയ ചിത്രമാണ്. ഗുണ്ടയുടെ സംവിധായകന്‍ സലിംബാബയ്ക്ക് ഈ മേഖലയില്‍ ജിത്തുവിനോളം പേരും പെരുമയുമില്ല.

അതിനാലാകണം അഭിമുഖങ്ങളില്‍ ഗുണ്ടയ്ക്ക് അന്‍സിബ അയിത്തം കല്‍പിച്ചത്. പുതിയ പ്രോജക്ടുകളെക്കുറിച്ചു ചോദിച്ചപ്പോള്‍ അന്‍സിബയുടെ മറുപടി ഇങ്ങനെ: ദൃശ്യമാണ് മലയാളത്തില്‍ ചെയ്ത ഏകസിനിമ. ഇനി ഒരു സിനിമയില്‍ അഭിനയിക്കുന്നത് ഏറെ ചിന്തിച്ചതിനുശേഷമായിരിക്കും. പക്ഷേ, ഈ മാസം ഗുണ്ട റിലീസിനെത്തുമല്ലോ, അപ്പോളെന്തു ചെയ്യും? ഗുണ്ടയിലെ നായിക താനല്ലെന്നും തന്റെ മുഖസാദൃശ്യമുള്ള വേറൊരാളാണെന്നും അന്‍സിബ പറഞ്ഞുകളയുമോ ?

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Movie, Drishyam, Mohanlal Daughter, Ansiba