എയര്‍പോര്‍ട്ടിലേക്ക് ജോലി വാഗ്ദാനം ചെയ്ത് തട്ടിപ്പ്: എയര്‍ഹോസ്റ്റസ് സുന്ദരി അടക്കം അഞ്ചു പേര്‍ അറസ്റ്റില്‍

കോഴിക്കോട്: ഡല്‍ഹി എയര്‍പോര്‍ട്ടിലേക്ക് ജോലി വാഗ്ദാനം ചെയ്ത് തട്ടിപ്പ് നടത്തിയ സംഭവത്തില്‍ എയര്‍ഹോസ്റ്റസടക്കം അഞ്ചു പേര്‍ അറസ്റ്റില്‍. ബാംഗ്ലൂര്‍ സ്വദേശിനിയും എയര്‍ഹോസ്റ്റസുമായി തലൈവാണി, ഫ്രേഡ് പോള്‍, അനൂപ് ജോസ്ഫ്,അനൂപ് ,സുരേഷ്‌കുമാര്‍ എന്നിവരെയാണ് നടക്കാവ് പോലീസ് അറസ്റ്റ് ചെയ്തത്. ഡല്‍ഹി എയര്‍പോര്‍ട്ടിലെ വിവിധ തസ്തികകളിലേക്ക് സ്റ്റാഫിനെ നിയോഗിക്കാനാണെന്ന് പറഞ്ഞായിരുന്നു തട്ടിപ്പ് നടത്തിയിരുന്നത്.

ഫ്‌ളൈസ് ഓണ്‍ ആവിയേഷന്റെ ഫ്രാഞ്ചൈസി ഉണ്ടെന്ന് പറഞ്ഞാണ് ഇവര്‍ ബുധനാഴ്ച കോഴിക്കോട്ട് ഇന്റര്‍വ്യൂ നടത്തിയിരുന്നതെന്ന് പോലീസ് പറഞ്ഞു. ബേബി മെമ്മോറിയല്‍ ആശുപത്രിയ്ക്ക് സമപീമുളള ബില്‍ഡിംഗില്‍ വെച്ചാണ് ബുധനാഴ്ച ഇന്റര്‍വ്യു നടത്തിയിരുന്നത്. സംശയം തോന്നിയ വിദ്യാര്‍ഥികളും ഉദ്യോഗാര്‍ഥികളും പോലീസില്‍ വിവരമറിയിച്ചതിനെ തുടര്‍ന്ന് നടക്കാവ് പോലീസ് സ്ഥലത്തെത്തുകയായിരുന്നു. പോലീസ് പരിശോധന നടത്തിയപ്പോള്‍ ഇതുമായി ബന്ധപ്പെട്ട ഒരു രേഖകളും ഇവരുടെ കൈവശം ഇല്ലായിരുന്നു.

തുടര്‍ന്ന് പോലീസ് അറസ്റ്റ് രേഖപ്പെടുത്തുകയായിരുന്നു. തുടര്‍ന്ന് ഉദ്യോഗാര്‍ഥികളുടെ പരാതിയുടെ അടിസ്ഥാനത്തിലാണ് പോലീസ് കേസെടുത്തത്.വ്യാഴാഴ്ച കോടതിയില്‍ ഹാജരാക്കും. ബുധനാഴ്ച വൈകീട്ട് 5.30നാണ് ഇന്റര്‍വ്യൂ നടന്നത്. ഒരു സ്ത്രീയടക്കം അഞ്ചുപേരാണുളളത്. എയര്‍ ഹോസ്റ്റസാണ് താനെന്നാണ് സ്ത്രീ പോലീസിനോട് പറഞ്ഞത്.

സ്ത്രീ ബാംഗ്ലൂര്‍ സ്വദേശിനിയാണ്. മറ്റ് നാലു പേര്‍ മലയാളികളാണ്. പത്രങ്ങളിലോ മറ്റോയെന്നും പരസ്യം നല്‍കിയായിരുന്നല്ല ഇവര്‍ ഇന്‍ര്‍വ്യൂ നടത്തിയിരുന്നത്. ഇന്റര്‍വ്യൂവിന് ശേഷം തെരഞ്ഞെടുക്കുന്നവരില്‍ നിന്ന് 60,000 രൂപയാണ് വാങ്ങുക. ഉദ്യോഗാര്‍ഥികളോട് ഫോണ്‍വിളിച്ചും എസ്എംഎസ് അയച്ചുമാണ് ഇന്റര്‍വ്യൂവിന് വിളിച്ചിരുന്നത്. ഇത്തരത്തില്‍ 30 പേരാണ് ബുധനാഴ്ച  ഇന്റര്‍വ്യൂവിനായി എത്തിയിരുന്നത്. ഒരു രേഖയുമില്ലാതെയാണ് അഞ്ചംഗസംഘം ഇന്റര്‍വ്യൂ നടത്തിയിരുന്നത്. ഇത് തെളിഞ്ഞതിനെ തുടര്‍ന്നാണ് ഇവരെ അറസ്റ്റ് ചെയ്തതെന്നും പോലീസ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Arrested, Job Interview, Police, Case