പോലീസ് ജീപ്പിന് മുകളിലേക്ക് മണല്‍ ചൊരിഞ്ഞ് ടിപ്പര്‍ലോറിയുമായി മണല്‍കടത്ത് സംഘം രക്ഷപ്പെട്ടു

കാഞ്ഞങ്ങാട്: പോലീസ് ജീപ്പിന് മുകളിലേക്ക് മണല്‍ ചൊരിഞ്ഞ് ടിപ്പര്‍ലോറിയുമായി മണല്‍കടത്ത് സംഘം രക്ഷപ്പെട്ടു. വ്യാഴാഴ്ച വൈകിട്ട് രാജപുരം പൂടങ്കല്ലിലാണ് സംഭവം.

അനധികൃത മണല്‍കടത്ത് പിടികൂടാന്‍ രാജപുരം പോലീസ് സ്ഥലത്തെത്തിയതായിരുന്നു. മണല്‍കടത്തിവന്ന ടിപ്പര്‍ലോറിയെ പോലീസ് ജീപ്പില്‍ പിന്‍തുടരുന്നതിനിടയിലാണ് ജീപ്പിനു മുകളിലേക്ക് മണല്‍ ചൊരിഞ്ഞത്.

പോലീസ് പരിഭ്രമിച്ച് നില്‍ക്കുന്നതിനിടെ ടിപ്പര്‍ലോറിയുമായി ഡ്രൈവറും സഹായിയും സ്ഥലം വിടുകയായിരുന്നു. സംഭവത്തില്‍ ഡ്രൈവര്‍ തട്ടുമ്മലിലെ സുധീഷിനും സഹായിക്കുമെതിരെ പോലീസ് കേസെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Police, Jeep, Case