ചന്ദ്രഗിരി ജി.എല്‍.പി സ്‌കൂളില്‍ വീണ്ടും സാമൂഹ്യ വിരുദ്ധരുടെ അക്രമം

മേല്‍പറമ്പ്: ചന്ദ്രഗിരി ജി.എല്‍.പി സ്‌കൂളില്‍ വീണ്ടും സാമൂഹ്യ വിരുദ്ധരുടെ അക്രമം. ഞായറാഴ്ച രാത്രി ഓഫീസിന്റെ വാതില്‍ കുത്തിപ്പൊളിച്ച് അകത്ത് കടന്ന അക്രമികള്‍ ഫര്‍ണ്ണിച്ചറുകള്‍ ലൈബ്രറിയിലെ പുസ്തകങ്ങള്‍, വയറിംഗ്, പ്രിന്‍ന്റര്‍ എന്നിവ നശിപ്പിച്ചു. ഓഫീസില്‍ സൂക്ഷിച്ച താക്കോല്‍കൂട്ടം മോഷ്ടിച്ചതിനാല്‍ ക്ലാസ് മുറികളുടെ വാതില്‍ പൂട്ട് മുറിച്ച് മാറ്റിയാണ് ക്ലാസുകള്‍ പ്രവര്‍ത്തിച്ചത്. 

പ്രധാന അദ്ധ്യാപകന്‍ ടി.വി.ഭുവനേന്ദ്രന്റെ പരാതിയില്‍ ബേക്കല്‍ എസ് ഐ. എം.രാജേഷ് സ്ഥലത്തെത്തി അന്വേഷണം ആരംഭിച്ചു. കഴിഞ്ഞ ദിവസം ക്ലാസ് റൂമിന്റെ ജനലുകള്‍ തകര്‍ക്കുകയും, വാട്ടര്‍ പൈപ്പ്, മോട്ടര്‍, കക്കൂസിന്റെ വാതില്‍ എന്നിവ സാമൂഹ്യവിരുദ്ധര്‍ തകര്‍ക്കുകയും, ക്ലോസറ്റില്‍ കല്ലിട്ട് കേടു വരുത്തുകയും ചെയ്തിരുന്നു. ഈ സംഭവത്തില്‍ വ്യാപകമായ പ്രതിഷേധം ഉയരുന്നതിനിടയിലാണ് വീണ്ടും സാമൂഹ്യ വിരുദ്ധരുടെ അക്രമം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, G.L.P School Chandragiri, Akaramam