ബഡാജെ കടമ്പാര്‍ വില്ലേജ് ഓഫീസിനുസമീപം കടമന ഹൗസിലെ ഖാദറിന്റെ വീട്ടിലാണ് തിങ്കളാഴ്ച രാത്രി മോഷണം നടന്നത്.
കിടപ്പുമുറിയിലെ അലമാരയില്‍ സൂക്ഷിച്ച ആഭരണങ്ങളാണ് മോഷ്ടിച്ചത്. മഞ്ചേശ്വരം പോലീസില്‍ പരാതി നല്‍കി. പോലീസ് പറയുന്നതിങ്ങനെ: ഖാദറിന്റെ വീട്ടില്‍ ഭാര്യ, മക്കള്‍, സഹോദരങ്ങള്‍ എന്നിവരാണ് താമസിക്കുന്നത്. എല്ലാവരും അന്ന് വീട്ടിലുണ്ടായിരുന്നു. പുലര്‍ച്ചെ സഹോദരിയുടെ മുറിയില്‍നിന്ന് നിലവിളി കേട്ടാണ് ഖാദര്‍ ഉണര്‍ന്നത്. അടുക്കളവാതിലിലൂടെ മുഖംമൂടി ധരിച്ച രണ്ടുപേര്‍ ഓടിപ്പോകുന്നത് കണ്ടു. വാതിലിന് പുറത്തും രണ്ടുപര്‍ മുഖംമൂടി ധരിച്ച് നില്‍പ്പുണ്ടായിരുന്നു. അടുക്കളവാതിലിന്റെ പൂട്ട് പൊളിച്ച നിലയിലായിരുന്നു.
കിടപ്പുമുറിയിലെത്തി പരിശോധിച്ചപ്പോഴാണ് അലമാരയും ബാഗും വാരി വലിച്ചിട്ട നിലയില്‍ കണ്ടത്.
ജനങ്ങളെ ഭീതിയിലാഴ്ത്തി മഞ്ചേശ്വരം കുഞ്ചത്തൂരിലെയും പരിസരത്തെയും വീടുകളില്‍ കഴിഞ്ഞ ആഴ്ച കവര്‍ച്ച നടന്നിരുന്നു. കുഞ്ചത്തൂര്‍ ഇര്‍ഷാദ് നഗറിലെ മൊയ്തീന്‍ അലിയുടെ വീട് കുത്തിത്തുറന്ന് 23 പവന്‍ സ്വര്‍ണാഭരണവും 80,000 രൂപയുമാണ് മോഷ്ടിച്ചത്. സമീപത്തെ നാലുവീടുകളില്‍ കവര്‍ച്ചശ്രമവും നടന്നിരുന്നു. മൊയ്തീനും കുടുംബവും വീടുപൂട്ടി മകളുടെ വീട്ടില്‍ പോയപ്പോഴാണ് സംഭവം. മുന്‍വശത്തെ വാതിലിന്റെ പൂട്ട് പൊളിച്ചനിലയിലായിരുന്നു. അലമാരയില്‍നിന്നാണ് സ്വര്‍ണാഭരണങ്ങളും പണവും കവര്‍ന്നത്.
അതിനുമുമ്പ് കുഞ്ചത്തൂര്‍, മഞ്ചേശ്വരം എന്നിവിടങ്ങളില്‍ രാത്രി ആറ് വീടുകളില്‍ കവര്‍ച്ചക്കാര്‍ എത്തിയിരുന്നു. മഞ്ചേശ്വരം യത്തീംഖാനയ്ക്ക് സമീപത്തെ കെ.പി.അലിക്കുട്ടിയുടെ വീട്ടില്‍നിന്ന് 15 പവന്‍ സ്വര്‍ണവും 20,000 രൂപയും അന്ന് കവര്‍ന്നിരുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment