കഴിഞ്ഞ ചൊവ്വാഴ്ച നടന്ന നബിദിന ഘോഷയാത്രക്കിടെ ഇന്ത്യന്‍ പട്ടാള വേഷത്തിന് സാദൃശ്യമായ വേഷം ധരിച്ചതിന് 25 ഓളം യുവാക്കള്‍ക്ക് എതിരെ പോലീസ് കേസെടുത്തിരുന്നു. ബുധനാഴ്ച രാത്രി പള്ളിയില്‍ നടന്ന സമ്മാനദാന ചടങ്ങില്‍ നിന്ന് മഹല്ല്കമ്മിറ്റി ഈ യുവാക്കളെ മാറ്റിനിര്‍ത്തിയിരുന്നു. ഇതേചൊല്ലി യുവാക്കളും മഹല്ല് കമ്മിറ്റിക്കാരും തമ്മില്‍ വാക്കേറ്റവും കയ്യാങ്കളിയും അരങ്ങേറിയിരുന്നു. ഇതറിഞ്ഞ് എത്തിയ സി.ഐ: അനില്‍കുമാര്‍ യുവാക്കളുടെ ഫോട്ടോ ക്യാമറയില്‍ പകര്‍ത്തി.
ഇതില്‍ ക്ഷുഭിതരായ ഒരു സംഘം യുവാക്കള്‍ സി.ഐയെ മുഖത്തടിച്ച് താഴെയിട്ടു. തുടര്‍ന്ന് പോലീസ്
സംഘത്തിന് നേരെ തുരുതുരാ കല്ലെറിഞ്ഞു. ആത്മരക്ഷാര്‍ത്ഥം പോലീസ് സംഘം ധൃതിയില്‍ ജീപ്പുമായി കടന്നുകളയുകയായിരുന്നു. പിന്നീട് കൂടുതല്‍ പോലീസ് സംഘം സ്ഥലത്ത് എത്തുമ്പോഴേക്കും അക്രമികള്‍ രക്ഷപ്പെട്ടിരുന്നു. വിവാദം ക്ഷണിച്ച് വരുത്തിയ ആറങ്ങാട്ടി മഹല്ല് കമ്മിറ്റിക്ക് കാഞ്ഞങ്ങാട് സംയുക്ത ജമാഅത്ത് വിശദീകരണ നോട്ടീസ് അയച്ചിട്ടുണ്ട്. പോലീസ് കേസെടുത്തത് നബിദിന ഘോഷയാത്രയുടെ പൊലിമ കുറയാന്‍്യുഇടയാക്കിയെന്നും നടപടിയെടുക്കാതിരിക്കാന്‍്യുകാരണം വല്ലതുമുണ്ടങ്കില്‍ ബോധിപ്പിക്കണമെന്നും നോട്ടീസില്‍ പറയുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram New, Police, Attack
No comments:
Post a Comment