ഓയിലില്‍ ബൈക്ക് തെന്നിമറിഞ്ഞ് രണ്ട് യുവാക്കള്‍ക്ക് ദാരുണാന്ത്യം

കോട്ടയം: റോഡില്‍ വീണുകിടന്ന ഓയിലില്‍ ബൈക്ക് തെന്നിമറിഞ്ഞ് രണ്ട് യുവാക്കള്‍ക്ക് ദാരുണാന്ത്യം. ഒരാള്‍ക്ക് ഗുരുതര പരിക്ക്. കാഞ്ഞിരപ്പള്ളി കപ്പാട് സ്വദേശികളായ ജിത്തു.കെ മോഹന്‍, മഹേഷ് എന്നിവരാണ് മരിച്ചത്. 

ഇവര്‍ക്കൊപ്പമുണ്ടായിരുന്ന സിറിയക് എന്നയാള്‍ക്ക് ഗുരുതരമായി പരിക്കേറ്റു. വ്യാഴാഴ്ച രാവിലെ എട്ടുമണിയോടെ ഈരാറ്റുപേട്ട കാഞ്ഞിരപ്പള്ളി റൂട്ടില്‍ തിടനാട് ബാങ്ക് ജംഗ്ഷനിലാണ് അപകടം. ബൈക്കില്‍ ഉണ്ടായിരുന്ന മൂന്നു പേര്‍ക്കും തലയ്ക്കാണ് പരിക്കേറ്റത്. ഗുരുതര സ്ഥിതിയില്‍ റോഡില്‍ കിടന്ന മൂന്ന് പേരെയും ഓടിക്കൂടിയ നാട്ടുകാര്‍ കോട്ടയം മെഡിക്കല്‍ കോളേജില്‍ എത്തിച്ചെങ്കിലും ജിത്തു.കെ മോഹനും മഹേഷും മരിച്ചു. തിടനാട് പൊലീസ് സംഭവസ്ഥലത്തെത്തി അന്വേഷണം ആരംഭിച്ചിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Bike, Hospital, Obituary