യഥാര്‍ത്ഥ മതവിശ്വാസി ആവുന്നത് അന്യ മതവിഭാഗങ്ങളെ ആദരിക്കുമ്പോള്‍: സിറിയക്ക് തോമസ്

ഉദുമ: അന്യ മതവിഭാഗങ്ങളെ ആദരിക്കുമ്പോഴാണ് ഒരു യഥാര്‍ത്ഥ മതവിശ്വാസി ആകുന്നതെന്ന് നാഷണല്‍ മൈനോറിറ്റി കമ്മീഷന്‍ അംഗം ഡോ. സിറിയക് തോമസ് പറഞ്ഞു. ഇന്ത്യയുടെ മതേതരത്വം എന്നുപറയുന്നത് വിവിധ മതവിഭാഗങ്ങളുടെ സൗഹൃദ പൂര്‍വ്വമായ സഹവര്‍ത്തിത്വമാണെന്നും അദ്ദേഹം പറഞ്ഞു. 

കോട്ടിക്കുളം നൂറുല്‍ ഹുദാ മദ്രസയുടെ അമ്പതാം വാര്‍ഷികാഘോഷ സമാപനത്തോടനുബന്ധിച്ച് സംഘടിപ്പിച്ച ന്യൂനപക്ഷ അവകാശ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കാഞ്ഞങ്ങാട് സംയുക്ത ജമാഅത്ത് പ്രസിഡണ്ട് മെട്രോ മുഹമ്മദ് ഹാജി അധ്യക്ഷത വഹിച്ചു. ആഘോഷ കമ്മിറ്റി ചെയര്‍മാന്‍ അബ്ദുല്‍ അസീസ് ഹാജി അക്കര സ്വാഗതം പറഞ്ഞു. 

സംസ്ഥാന ഗ്രാന്റ് ഇന്‍ എയ്ഡ് കമ്മിറ്റി മെമ്പര്‍ സുബൈര്‍ നെല്ലിക്കാപറമ്പ്, മൈനോറിറ്റി വെല്‍ഫെയര്‍ കമ്മിറ്റി മെമ്പര്‍ സി. മുഹമ്മദ്കുഞ്ഞി, ജമാഅത്ത് പ്രസിഡണ്ട് കാപ്പില്‍ മുഹമ്മദ് പാഷ, ജമാഅത്ത്ഖത്തീബ് സിദ്ദീഖ് ദാരിമി പടന്നോട്ട്, ഷാഫി ഹാജി കട്ടക്കാല്‍ പ്രസംഗിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,