സുനന്ദ മലക്കം മറിഞ്ഞു; തരൂരുമായി സന്തുഷ്ടജീവിതം, വിവാദം രാഷ്ട്രീയപ്രേരിതം

ന്യൂഡല്‍ഹി: തരൂരുമായി താന്‍ വിവാഹമോചനത്തിന് ഒരുങ്ങുകയാണെന്ന വാര്‍ത്തകള്‍ സുനന്ദ പുഷ്‌കര്‍ നിഷേധിച്ചു. തരൂരുമായി നല്ല ബന്ധമാണെന്നും സന്തുഷ്ട ദാമ്പത്യമാണെന്നും സുനന്ദ ട്വിറ്ററിലൂടെ പറയുന്നു.

തരൂരിന് പാക് മാധ്യമപ്രവര്‍ത്തകയുമായി പ്രണയമുണ്ടെന്നും താന്‍ വിവാഹമോചനത്തിന് ഒരുങ്ങുകയാണെന്നും അറിയിച്ചതിന് തൊട്ടു പിന്നാലെയാണ് സുനന്ദയുടെ മലക്കം മറിച്ചില്‍

തരൂരുമായി സന്തുഷ്ട ജീവിതമാണു നയിക്കുന്നതെന്നു പറയുന്ന സുനന്ദ, ട്വിറ്ററില്‍ ആരാധകരെ കൂട്ടാനുള്ള പാക് മാധ്യമപ്രവര്‍ത്തകയുടെ ശ്രമമാണു വിവാദമുണ്ടാക്കിയതെന്നു പറയുന്നു. തെരഞ്ഞെടുപ്പു സമയത്തുള്ള വിവാദത്തിനു പിന്നില്‍ രാഷ്ട്രീയ ലക്ഷ്യമുണ്ടാകാം. പാക് മാധ്യമപ്രവര്‍ത്തകയെ ഉപയോഗിച്ചു തരൂരിനെ തകര്‍ക്കാന്‍ ശ്രമമെന്നും സുനന്ദ പറയുന്നു.

പാകിസ്ഥാനിലെ മാധ്യമ പ്രവര്‍ത്തകയെ ഉപയോഗിച്ച് ശശി തരൂരിനെ കരിതേച്ചു കാണിക്കാനാണ് ആളുകളുടെ ശ്രമം. ജോലി നഷ്ടപ്പെട്ടതിനെ തുടര്‍ന്നാണ് പാക് മാധ്യമ പ്രവര്‍ത്തക മെഹര്‍ തരാര്‍ ഇത്തരം വേലകളുമായി ഇറങ്ങിയിരിക്കുന്നത്. ഒമറിനോടും (കാശ്മീര്‍ മുഖ്യമന്ത്രി ഒമര്‍ അബ്ദുള്ളയെ ആണോ സുനന്ദ ഉദ്ദേശിച്ചതെന്ന് വ്യക്തമല്ല) ഇതുപോലെ അവര്‍ കാണിച്ചിട്ടുണ്ടാകാം സുനന്ദ എഴുതി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Tharoor, Sunantha Pushkar