സെയില്‍സുമാനെ കൂടാതെ വിദ്യാര്‍ത്ഥിനിയെ പീഡിപ്പിച്ചതിന് പട്ടാമ്പിയിലെ ബിസിനസുകാരന് എതിരെയും കേസ്

മട്ടന്നൂര്‍: കൂടാതെ പ്ലസ്‌വണ്‍ വിദ്യാര്‍ത്ഥിനിയെ പീഡിപ്പിച്ചതിന് പട്ടാമ്പിയിലെ ബിസിനസുകാരന് എതിരെയും കേസ്. ബിസിനസുകാരന്‍ നാസറിന് എതിരെയാണ് മട്ടന്നൂര്‍ പോലീസ് കേസെടുത്തത്. ശിവപുരം സ്‌കൂളില്‍ പ്ലസ് വണിന് പഠിക്കുന്ന പെണ്‍കുട്ടിയെ വിവാഹ വാഗ്ദാനം ചെയ്ത് നാസര്‍ പീഡിപ്പിച്ചുവെന്നാണ് കേസ്. 

പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ച കേസില്‍ തലശേരിയിലെ സെയില്‍സുമാന്‍ അബ്‌നാസ്, ഇയാളുടെ സുഹൃത്ത് ഫൈസല്‍ എന്നിവരെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. കാണാതായ പെണ്‍കുട്ടിയെ അബ്‌നാസിനൊപ്പം തിരുച്ചിറപ്പള്ളിയിലെ ലോഡ്ജില്‍ നിന്ന് മട്ടന്നൂര്‍ പോലീസ് പിടികൂടിയിരുന്നു.

പിടിയിലായ ഉടന്‍ അബ്‌നാസ് കൈഞരമ്പ് മുറിച്ച് ജീവനൊടുക്കാന്‍ ശ്രമിച്ചിരുന്നു. അബ്‌നാസിനെ
ചോദ്യം ചെയ്തപ്പോള്‍ ലഭിച്ച വിവരത്തെ തുടര്‍ന്നാണ് ഫൈസലിനെയും പിടികൂടിയത്. പെണ്‍കുട്ടിയെ ചോദ്യം ചെയ്തപ്പോഴാണ് നാസറും പീഡിപ്പിച്ച കാര്യം വെളിപ്പെടുത്തിയത്. ബിസിനസുകാരനായ നാസറിന് പെണ്‍കുട്ടിയെ വിവാഹം ചെയ്തുകൊടുക്കാന്‍ വീട്ടുകാര്‍ തീരുമാനിച്ചിരുന്നത്രെ. നാസറിന്റെ രണ്ടാം ഭാര്യയായി പെണ്‍കുട്ടിയെ വിവാഹം ചെയ്തുകൊടുക്കാനായിരുന്നു ആലോചന. ഇതേ തുടര്‍ന്ന് കഴിഞ്ഞ ഒക്‌ടോബറില്‍ നാസര്‍ ഏതാനും ദിവസം പെണ്‍കുട്ടിയുടെ വീട്ടില്‍ താമസിച്ചിരുന്നുവത്രെ. ഈ സമയം പീഡിപ്പിച്ചുവെന്നാണ് പരാതി.

നാസര്‍ നല്‍കിയ മൊബൈല്‍ ഫോണില്‍ വന്ന മിസ്‌കോളില്‍ ബന്ധപ്പെട്ടാണ് പെണ്‍കുട്ടി അബ്‌നാസിനെ പരിചയപ്പെടുന്നത്. തുടര്‍ന്ന് അബ്‌നാസിനൊപ്പം സ്ഥലം വിടുകയായിരുന്നു. മട്ടന്നൂര്‍ സി.ഐ: കെ.ബി. വേണുഗോപാലാണ് കേസ് അന്വേഷിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Rape, Police, Case