തലപ്പാടിയില്‍ രണ്ടു യുവാക്കളെ തീവണ്ടി തട്ടി മരിച്ച നിലയില്‍ കണ്ടെത്തി

മഞ്ചേശ്വരം : തലപ്പാടിയില്‍ രണ്ടു യുവാക്കളെ തീവണ്ടി തട്ടി മരിച്ച നിലയില്‍ കണ്ടെത്തി. മഞ്ചേശ്വരം കുഞ്ചത്തൂര്‍ പദവിലെ അശോക-ജ്യോതി ദമ്പതികളുടെ ഏകമകന്‍ അജിത്ത്‌ (19), കര്‍ണ്ണാടക ഹാസന്‍ സ്വദേശിയും കുഞ്ചത്തൂര്‍ ഹൈഗ്ലോദിയില്‍ താമസക്കാരനുമായ അനില്‍ (25) എന്നിവരാണ്‌ മരിച്ചത്‌. ശനിയാഴ്ച രാവിലെ ഒമ്പതുമണിയോടെ തലപ്പാടിക്കു സമീപത്തെ കണ്വതീര്‍ത്ഥ റെയില്‍വെ ഗേറ്റിനു സമീപത്താണ്‌ ഇരുവരുടേയും മൃതദേഹങ്ങള്‍ അടുത്തടുത്തായി കണ്ടെത്തിയത്‌. 

അജിത്ത്‌ കുഞ്ചത്തൂര്‍ സ്റ്റാന്റിലെ ഓട്ടോറിക്ഷ ഡ്രൈവറാണ്‌. ഇയാളുടെ ഓട്ടോറിക്ഷ റെയില്‍വേ ട്രാക്കിന്‌ തൊട്ടടുത്ത്‌ നിര്‍ത്തിയിട്ട നിലയിലായിരുന്നു. ഹാസന്‍ സ്വദേശി അനില്‍ കൂലിതൊഴിലാളിയാണ്‌. നാട്ടില്‍ പോയി പതിനഞ്ചു ദിവസം മുമ്പാണ്‌ തിരിച്ചെത്തിയത്‌. ആത്മഹത്യയാണെന്ന്‌ സംശയിക്കുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Train, Suiside, Manjeswaram