വേശ്യകളെ കൊന്ന് മൃതദേഹവുമായി ലൈംഗികപീഡനത്തില്‍ ഏര്‍പ്പെട്ട വിദ്യാര്‍ത്ഥിക്ക് വധശിക്ഷ

വേശ്യകളെ കൊന്ന് മൃതദേഹവുമായി ലൈംഗിക പീഢനത്തില്‍ ഏര്‍പ്പെട്ട ചൈനീസ് വിദ്യാര്‍ത്ഥിക്ക് വധശിക്ഷ. ചൈനയിലെ ചംഗ്ചുനിലെ ജിലിന്‍ സര്‍വകലാശാലാ വിദ്യാര്‍ത്ഥിയായ ലീയ്ക്കാണ് രണ്ടു വേശ്യകളെ വിളിച്ചുവരുത്തി കെട്ടിത്തൂക്കി കൊല്ലുകയും അവരുടെ മൃതദേഹത്തെ ലൈംഗികമായി പീഡിപ്പിക്കുകയും ചെയ്തത്. 

പഠനത്തിലുണ്ടായ പിന്നോക്കത്തെ തുടര്‍ന്ന് മാനസിക സമ്മര്‍ദ്ദം കുറയ്ക്കാനായിരുന്നു വേശ്യകളെ വിളിച്ചുവരുത്തിയത്. ഒരു മൃതദേഹവുമായി ലൈംഗികതയില്‍ ഏര്‍പ്പെടുന്നത് താന്‍ എപ്പോഴും സ്വപ്‌നം കണ്ടിരുന്നെന്നും ഒരു ദിവസം അങ്ങിനെ ചെയ്യണമെന്ന് തീരുമാനിച്ചിരുന്നതായും ലി പോലീസിനോട് പറഞ്ഞു. ഇരകളുടെ കുടുംബത്തിന് നഷ്ടപരിഹാരമായി 80,000 യുവാന്‍ നല്‍കാനും വിധിച്ചിട്ടുണ്ട്. 

കഴിഞ്ഞ മാര്‍ച്ച് 6 നാണ് ഇയാള്‍ ആദ്യ വേശ്യയെ കൊന്നു മൃതദേഹത്തെ ലൈംഗികതയ്ക്ക് ഉപയോഗിച്ചത്. ആദ്യം ഒരു 20 കാരിയെ ഇന്റര്‍നെറ്റ് വഴി താമസസ്ഥലത്തേക്ക് വിളിച്ചുവരുത്തുകയായിരുന്നു. അവിടെ വെച്ച് ഇവരെ കെട്ടിത്തൂക്കി കൊല്ലുകയും അതിന് ശേഷം ചാങ്പിങിലെ സ്വന്തം വീട്ടില്‍ കൊണ്ടുവന്ന് മൃതദേഹം വേഴ്ചയ്ക്ക് ഉപയോഗിക്കുകയും പിന്നീട് മൃതദേഹം പൂന്തോട്ടത്തില്‍ മറവ് ചെയ്യുകയും ചെയ്തു. മാര്‍ച്ച് 23 ന് മറ്റൊരു വേശ്യയേയും ഇതുപോലെ ചെയ്തു. ലിയ്ക്ക് മാനസികരോഗമുള്ളതായാണ് ചൈനീസ് പത്രങ്ങള്‍ റിപ്പോര്‍ട്ട് ചെയ്തത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Caina, Dead Body, Rape