തനിക്ക് വഴങ്ങിയാല്‍ അധികശമ്പളം തരാമെന്ന് ഫോക്‌സ് ന്യൂസ് മേധാവി ജീവനക്കാരിയോട്‌

തനിക്ക് ആവശ്യമുള്ളപ്പോള്‍ വഴങ്ങിയാല്‍ അധികശമ്പളം തരാമെന്ന് ഫോക്‌സ് ന്യൂസ് മേധാവി റോജര്‍ എയ്‌ലിസ് വാഗ്ദാനം ചെയ്തതായി വനിതാ ജീവനക്കാരിയുടെ വെളിപ്പെടുത്തല്‍. ന്യൂയോര്‍ക്ക് മാഗസിന്‍ എഡിറ്റര്‍ ഗബ്രിയേല്‍ ഷെര്‍മാന്റെ ദ ലൗഡെസ്റ്റ് വോയിസ് ഇന്‍ ദ റൂം എന്ന പുസ്തകത്തിലാണ് വിവാദ വെളിപ്പെടുത്തല്‍ പ്രസിദ്ധീകരിച്ചത്.

തനിക്ക് ആവശ്യമെന്നു തോന്നുമ്പോഴെല്ലാം ലൈംഗിക ബന്ധത്തിലേര്‍പ്പെടാന്‍ തയാറായാല്‍ ശമ്പളത്തോടൊപ്പം ആഴ്ചയില്‍ 100 ഡോളര്‍ അധികം നല്‍കാമെന്ന് റോജര്‍ എയ്‌ലിസ് ടെലിവിഷന്‍ പ്രോഡ്യൂസറായ റാണ്ടി ഹാരിസണ് വാഗ്ദാനം നല്‍കുകയായിരുന്നു.

ഫോക്‌സ് ന്യൂസ് മേധാവിയുടെ സ്വഭാവവും പ്രവര്‍ത്തന രീതികളെക്കുറിച്ചും സഹപ്രവര്‍ത്തകര്‍ നടത്തിയ വെളിപ്പെടുത്തലുകളാണ് പുസ്തകത്തില്‍ ഉള്‍പ്പെടുത്തിയിരിക്കുന്നത്. ഇതിനായി ഫോക്‌സ് ന്യൂസിലെ ജീവനക്കാരുള്‍പ്പെടെ റോജര്‍ എയ്‌ലിസിനെ നേരിട്ടുപരിചയമുളള 600ല്‍ അധികം വ്യക്തകളുമായി അഭിമുഖം നടത്തിയതിനു ശേഷമാണ് പുസ്തകം തയാറാക്കിയതെന്നാണ് ഷെര്‍മാന്‍ പറയുന്നു. അതേസമയം ഫോക്‌സ് ന്യൂസ് ആരോപണം നിഷേധിച്ചിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, New york, Fox News