വ്യാപാരിയുടെ വീട് കൊള്ളയടിക്കാന്‍ ശ്രമിച്ച രണ്ടു പേരെ പോലീസ് അറസ്റ്റ് ചെയ്തു

കുമ്പള : ബാംഗ്‌ളൂരിലെ വ്യാപാരിയുടെ വീട് കൊള്ളയടിക്കാന്‍ ശ്രമിച്ച കേസില്‍ രണ്ടു പേരെ പോലീസ് അറസ്റ്റ് ചെയ്തു. ചെമ്മനാട് കൊമ്പടുക്കത്തെ ബീരാന്റെ മകന്‍ മുഹമ്മദ് നാസര്‍ (32), കാസര്‍കോട് അടുക്കത്ത് ബയലിലെ യൂസഫിന്റെ മകന്‍ നൗസീഫ് (24) എന്നിവരെയാണ് കുമ്പള സി ഐ സിബി തോമസിന്റെ നേതൃത്വത്തില്‍ അറസ്റ്റ് ചെയ്തത്.

ഈ മാസം 16 ന് രാത്രി മൊഗ്രാല്‍ കടവത്താണ് കേസിനാസ്പദമായ സംഭവം. ബാംഗ്ലൂരിലെ വ്യാപാരിയായ ആളുടെ വീടിന്റെ ഗേറ്റ് തുറന്ന് വീട്ടുവളപ്പില്‍ കടന്ന പ്രതികള്‍ വീടിന്റെ വാതില്‍ പൊളിക്കാന്‍ ശ്രമിക്കുകയായിരുന്നു. ഇതിനിടയില്‍ ആളനക്കം കേട്ടതിനെത്തുടര്‍ന്ന് പ്രതികള്‍ ഓടി രക്ഷപ്പെടുകയായിരുന്നു. സ്ഥലത്തു നിന്നും കണ്ടെടുത്ത മൊബൈല്‍ ഫോണ്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതികളെ കുടുക്കാനായത്. പ്രതികള്‍ ഉപേക്ഷിച്ച കമ്പിപാരകളും, ഗ്ലൗസും സ്ഥലത്തു നിന്നും പോലീസ് കണ്ടെടുത്തിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Robbery Attempt, Police, Case, Arrested