കഴിഞ്ഞ രണ്ട് ദിവസമായി ഒളിവില്‍ കഴിയുകയായിരുന്ന പ്രതിയെ പിടികൂടാനായി ശംഖുമുഖം അസിസ്റ്റന്റ് കമ്മീഷണര്‍ ജവഹര്‍ ജനാര്‍ദ്ദനന്റെ നേതൃത്വത്തില്‍ പൂന്തുറ സിഐ. അജിചന്ദ്രന്‍, പൂന്തുറ എസ്‌ഐ. അശോക് കുമാര്‍, ഷാഡോ പോലീസ് എന്നിവരെ ഉള്‍പ്പെടുത്തി പ്രത്യേക സംഘം രൂപീകരിച്ചിരുന്നു. പോലീസ് സംഘത്തിന് ലഭിച്ച രഹസ്യവിവരത്തെ തുടര്‍ന്നാണ് പ്രതിയുടെ ഒളിസങ്കേതം കണ്ടെത്തി അറസ്റ്റ് ചെയ്യാനായത്.
പൂന്തുറ പരുത്തിക്കുഴി സ്വദേശിനിയായ മനു(25)വിനെ കഴിഞ്ഞ തിങ്കളാഴ്ച രാവിലെയാണ് പരുത്തിക്കുഴിക്ക് സമീപത്തെ പുരയിടത്തില്‍ തലയ്ക്കിടിച്ച് കൊലപ്പെടുത്തിയ നിലയില്‍ കണ്ടെത്തിയത്. മൂന്നാം ഭര്‍ത്താവായ രതീഷിനോടൊപ്പം കഴിയവെ ആദ്യ ഭര്‍ത്താവുമായി യുവതി വീണ്ടും അടുപ്പത്തിലായ വിവരം രതീഷ് അറിഞ്ഞു. കൂടാതെ ഒരാഴ്ച മുന്‍പ് ആദ്യ ഭര്‍ത്താവ് യുവതിയുടെ വീട്ടില്‍ വന്നിരുന്നു.
ഇത് മൂന്നാം ഭര്‍ത്താവായ രതീഷ് കാണുകയും ഇരുവരും തമ്മില്‍ വാക്കേറ്റമുണ്ടാകുകയും ചെയ്തിരുന്നു. ഞായറാഴ്ച രാത്രിയില്‍ രതീഷും മനുവും വീടിന് സമീപത്തെ പുരയിടത്തില്‍ ഒരുമിച്ച് കൂടിയപ്പോള്‍ ആദ്യ ഭര്‍ത്താവുമായുള്ള ബന്ധത്തെ ചൊല്ലി സംസാരം നടന്നു. ഇതേ ചൊല്ലി രതീഷ് മനുവിനെ അടിച്ച് നിലത്തിട്ട ശേഷം കല്ലിനിടിച്ച് കൊലപ്പെടുത്തുകയായിരുന്നുവെന്ന് ഇയാള്‍ പോലീസിനോട് സമ്മതിച്ചു. പ്രതിയെ ബുധനാഴ്ച സംഭവ സ്ഥലത്ത് കൊണ്ട് പോയി തെളിവെടുപ്പ് നടത്തിയ ശേഷം കോടതിയില്‍ ഹാജരാക്കും.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, HouseWife, Murder, Police, Case, Arrested
No comments:
Post a Comment