പത്താംക്ലാസ് വിദ്യാര്‍ത്ഥിയെ എസ് ഐ തടഞ്ഞു നിര്‍ത്തി മര്‍ദ്ദിച്ചു

ബന്തടുക്ക : പത്താം ക്ലാസ് വിദ്യാര്‍ത്ഥിയെ എസ് ഐ തടഞ്ഞു നിര്‍ത്തി മര്‍ദ്ദിക്കുകയും മുഖത്തടിച്ച് പരിക്കല്‍പ്പിക്കുകയും ചെയ്തതായി പരാതി. ബന്തടുക്ക ഗവ.ഹയര്‍സെക്കണ്ടറി സ്‌കൂള്‍ വിദ്യാര്‍ത്ഥിയും ഏണിയാടിയിലെ മുഹമ്മദ്കുഞ്ഞിയുടെ മകനുമായ എ എ ബിലാലി (16)നെയാണ് മര്‍ദ്ദനമേറ്റ് കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിച്ചത്.

ബിലാല്‍ പറയുന്നത് ഇങ്ങനെ : ചൊവ്വാഴ്ച രാത്രി ഏഴരയോടെ സുഹൃത്ത് റഹിമിനൊപ്പം ബൈക്കോടിച്ചു വരുന്നതിനിടയില്‍ ബേഡകം എസ് ഐ തടയുകയായിരുന്നു. രേഖകള്‍ പരിശോധിച്ച് ലൈസന്‍സ് ഇല്ലാത്തതിനാല്‍ 500 രൂപ പിഴ അടയ്ക്കണമെന്ന്‌ പറഞ്ഞു. 500 രൂപ പിഴ അടച്ചെങ്കിലും പിന്നീട് മുഖത്തടിക്കുകയും മര്‍ദ്ദിക്കുകയുമായിരുന്നു. ആശുപത്രിയില്‍ പ്രവേശിപ്പിച്ച ബിലാലിനോട് എസ് ഐ കേസ് കൊടുക്കരുതെന്ന് ആവശ്യപ്പെട്ടതായും ബന്ധുക്കള്‍ പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Attack, Hospital, Police, Complaint.