കണ്ണുര്‍ വിമാനത്താവള നിര്‍മ്മാണോദ്ഘാടനം എ.കെ ആന്റണി നിര്‍വഹിച്ചു

കണ്ണൂര്‍: കണ്ണൂര്‍ വിമാനത്താവള നിര്‍മാണോദ്ഘാടനം മട്ടന്നൂരില്‍ പ്രതിരോധ മന്ത്രി എ. കെ. ആന്റണി നിര്‍വഹിച്ചു. വിമാനത്താവളം വരുന്നതോടെ വടക്കന്‍ മലബാറിന്റെ പിന്നോക്കാവസ്ഥ പരിഹരിക്കപ്പെടുമെന്നും പദ്ധതിയുടെ പൂര്‍ത്തീകരണത്തിനായി കേന്ദ്രത്തിന്റെ എല്ലാവിധ പിന്തുണയും ഉണ്ടാകുമെന്നും ഉദ്ഘാടനം നിര്‍വഹിച്ച് ആന്റണി പറഞ്ഞു. പദ്ധതിയുടെ രണ്ടാം ഘട്ട പ്രവര്‍ത്തനങ്ങളും ഉടന്‍ ആരംഭിക്കുമെന്ന് ചടങ്ങില്‍ അധ്യക്ഷത വഹിച്ച മുഖ്യമന്ത്രി ഉമ്മന്‍ചാണ്ടി പറഞ്ഞു.
കേന്ദ്ര സഹമന്ത്രി കെ.സി. വേണുഗോപാല്‍ കണ്ണൂര്‍ വിമാനത്താവള കമ്പനിയായ കിയാലിലേക്ക് ഓഹരിപങ്കാളിത്തം വാഗ്ദാനം ചെയ്തു. കേന്ദ്ര സഹമന്ത്രി മുല്ലപ്പള്ളി രാമചന്ദ്രന്‍ , മന്ത്രിമാരായ കെ.സി. ജോസഫ് , കെ.പി. മോഹനന്‍ കെ. ബാബു, കെ.സുധാകരന്‍ എം.പി., പ്രതിപക്ഷ ഉപനേതാവ് കോടിയേരി ബാലകൃഷ്ണന്‍. എം.എല്‍.എ.മാരായ അബ്ദുള്ളക്കുട്ടി, ടി.വി.രാജേഷ് എന്നിവരും പരിപാടിയില്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News