മദ്യ നിരോധന പ്രവര്‍ത്തകയെ ഓട്ടോറിക്ഷ ഇടിച്ചുപരിക്കേല്‍പ്പിച്ചു

കാസര്‍കോട്: മദ്യ നിരോധന സ്ത്രീ കൂട്ടായ്മ പ്രവര്‍ത്തകയായ മത്സ്യത്തൊഴിലാളിയെ ഓട്ടോറിക്ഷ ഇടിച്ചു പരിക്കേല്‍പിച്ചു. കീഴൂര്‍ കടപ്പുറത്തെ കുമാരന്റെ ഭാര്യ ബി. സവിത(46)യെയാണ് ചൊവ്വാഴ്ച രാത്രി കീഴൂരില്‍ വെച്ച് അപകടപ്പെടുത്തിയത്.

കാലുകള്‍ക്കും തോളെല്ലിനും പരിക്കേറ്റ സവിതയെ കാസര്‍കോട് ജനറല്‍ ആശുപത്രിയില്‍
പ്രവേശിപ്പിച്ചിട്ടുണ്ട്. രാത്രി 8.30 മണിയോടെയാണു സംഭവം. കീഴൂര്‍ കടപ്പുറത്തേക്കു വ്യാപകമായി മദ്യം കടത്തുന്നതിനെ തുടര്‍ന്ന് അതു തടയാന്‍ സ്ത്രീകളുടെ നേതൃത്വത്തില്‍ കൂട്ടായ്മ രൂപീകരിച്ച് പ്രവര്‍ത്തിക്കുകയാണ്.

ഇതിന്റെ ഭാഗമായി കടപ്പുറത്തേക്കു വരുന്ന വാഹനങ്ങള്‍ പരിശോധിക്കുന്നത് പതിവാണ്.
ഓട്ടോറിക്ഷ പരിശോധിക്കാനെത്തിയപ്പോഴാണ് ഇടിച്ചു തെറിപ്പിച്ചതെന്ന് സവിത പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Auto Riksha, Hospital, Savitha.