ഗള്‍ഫിലേക്ക് പോകുന്നതിനിടയില്‍ പാസ്‌പോര്‍ട്ട് നഷ്ടപ്പെട്ട് തിരിച്ചെത്തിയ യുവാവിനെ കാണാതായി

കാസര്‍കോട്: ഗള്‍ഫിലേക്ക് പോകുന്നതിനിടയില്‍ പാസ്‌പോര്‍ട്ട് നഷ്ടപ്പെട്ട് സഹോദരിയുടെ വീട്ടില്‍ തിരിച്ചെത്തിയ യുവാവിനെ കാണാതായതായി പരാതി. ഉദുമ കാപ്പില്‍ ക്വാര്‍ട്ടേഴ്‌സില്‍ താമസിക്കുന്ന കെ.എം. മുഹമ്മദലിയുടെ മകന്‍ അബൂബക്കര്‍ അര്‍ഷാദ് അലിയെയാണ് (24) കാണാതായത്.

ഇക്കഴിഞ്ഞ ജനുവരി 30ന് ദുബൈയിലേക്ക് പോകുന്നതിനായി ചൗക്കിയിലെ സഹോദരിയുടെ വീട്ടിലെത്തിയതായിരുന്നു അര്‍ഷാദ്. 31ന് രാവിലെ എട്ട് മണിയോടെ മംഗലാപുരം വിമാനത്താവളത്തിലേക്ക് പോയ അബൂബക്കര്‍ അര്‍ഷാദ് പാസ്‌പോര്‍ട്ടും വിസയും യാത്രയ്ക്കിടെ നഷ്ടപ്പെട്ടതിനെതുടര്‍ന്ന് സഹോദരിയുടെ വീട്ടിലേക്ക് തന്നെ തിരിച്ചെത്തുകയായിരുന്നു.

ഇതിന്റെ മനോവിഷമത്തില്‍ കഴിയുകയായിരുന്ന അബൂബക്കര്‍ അര്‍ഷാദിനെ പിന്നീട് കാണാതാവുകയായിരുന്നു. പിതാവിന്റെ പരാതിയില്‍ കാസര്‍കോട് ടൗണ്‍ പോലീസ് കേസെടുത്ത് അന്വേഷണം ആരംഭിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News