മകനെ കാണാന്‍ വന്ന യുവാവ് പോലീസ് പിടിയില്‍; കാണാതായ യുവതിയെയും കണ്ടെത്തി

കൂത്തുപറമ്പ്: മൊഴിചൊല്ലിയ യുവതിയെ സ്വന്തമാക്കിയ ബന്ധുവായ യുവാവ് ആദ്യഭാര്യയിലുള്ള മകനെ കാണാന്‍ കൂത്തുപറമ്പിലെ വീട്ടിലെത്തിയപ്പോള്‍ പോലീസ് പിടിയിലായി.കണ്ണൂര്‍ സിറ്റി സ്വദേശിയായ ഷാക്കീറിനെയാണ് വളപട്ടണം അഡീഷനല്‍ എസ് ഐ ബാലകൃഷ്ണനും സംഘവും അറസ്റ്റ് ചെയ്തത്.

കാട്ടാമ്പള്ളി സ്വദേശിയായ ഫസീലയെയാണ് കഴിഞ്ഞമാസം 13ന് പുലര്‍ച്ചെ ഷാക്കീര്‍ വീട്ടില്‍ നിന്ന് വിളിച്ചിറക്കി നാടുവിട്ടത്. ഫസീലയെ നേരത്തെ ഭര്‍ത്താവ് ഉപേക്ഷിച്ചിരുന്നു. ഗള്‍ഫുകാരനായ ഭര്‍ത്താവിനും ബന്ധുക്കള്‍ക്കുമെതിരെ സ്ത്രീധന പീഡനത്തിന് ഏതാനും മാസം മുമ്പ് കണ്ണൂര്‍ ഫസ്റ്റ്ക്ലാസ് മജിസ്‌ട്രേറ്റ് കോടതിയില്‍ ഹരജി നല്‍കിയതിനെ തുടര്‍ന്ന് വളപട്ടണത്ത് പോലീസ് കേസെടുത്ത് അന്വേഷണം നടത്തുന്ന തിനിടയിലാണ് യുവതി ബന്ധുവായ ഷാക്കീറിനോടൊ്യും ഒളിച്ചോടിയത്.ഷാക്കീര്‍ നേരത്തെ കൂത്തുപറമ്പില്‍ വിവാഹം കഴിച്ചിരുന്നു. ഈ ബന്ധത്തില്‍ ഒരു കുട്ടിയുണ്ട്. 

ഈ കുട്ടിയെ കാണാന്‍ കൂത്തുപറമ്പിലെത്തിയപ്പോഴാണ് ഷാക്കീറിനെ പിടികൂടിയത്. തുടര്‍ന്ന് ചോദ്യംചെയ്യലിലാണ് താന്‍ ബംഗ്‌ളുരുവില്‍ ഫ്രൂട്ട് വ്യാപാരം നടത്തുകയാണെന്നും ഫസീല അവിടെ അപ്പാര്‍ട്ട്‌മെന്റില്‍ താമസിക്കുന്നതായും വിവരം കിട്ടിയത്.പോലീസ് ബംഗ്‌ളുരുവിലെത്തി ഫസീലയെ കസ്റ്റഡിയിലെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News