കോഴിക്കോട്ട് ഗ്യാസ് ടാങ്കര്‍ മറിഞ്ഞ് ഒരാള്‍ മരിച്ചു

കോഴിക്കോട്: കോഴിക്കോട് വെസ്റ്റ്ഹില്ലില്‍ ഗ്യാസ് ടാങ്കര്‍ ഓട്ടോയിലിടിച്ച് മറിഞ്ഞ് ഒരാള്‍ മരിച്ചു. ഓട്ടോയിലിടിച്ച ടാങ്കര്‍ അതേ ഓട്ടോയ്ക്ക് മുകളിലേയ്ക്ക് മറിയുകയായിരുന്നു. ഓട്ടോ ഡ്രൈവര്‍ കോഴിക്കോട് ചുങ്കം സ്വദേശി രവിദാസാണ് മരിച്ചത്.

മറിഞ്ഞ ടാങ്കറില്‍ നിന്ന് വാതകം ചോര്‍ന്നതിനെ തുടര്‍ന്ന് 500 മീറ്റര്‍ ചുറ്റളവിലില്‍ നിന്ന് ആളുകളെ ഒഴിപ്പിച്ചു.ഇതുവഴിയുള്ള ഗതാഗതം പൂര്‍ണമായി തടഞ്ഞു. വൈദ്യുതി ബന്ധം വിച്‌ഛേദിച്ചു. അപകടസ്ഥലത്തേയ്ക്ക് ആളുകള്‍ വരുന്നതും തടഞ്ഞു.

വൈകീട്ട് മൂന്ന് മണിയോടെ വെസ്റ്റ്ഹില്ലില്‍ നിന്ന് ഈസ്റ്റ്ഹില്ലിലേയ്ക്കുള്ള മിനി ബൈപ്പാസില്‍ സര്‍ക്കാര്‍ ഗസ്റ്റ് ഹൗസിന് സമീപത്തെ കൊടുംവളവില്‍ വച്ച് നിയന്ത്രണം വിട്ടാണ് ടാങ്കര്‍ മറിഞ്ഞത്. റിപ്പയറിങ്ങിനുവേണ്ടി റോഡരികില്‍ നിര്‍ത്തിയിട്ടതായിരുന്നു ഓട്ടോ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,