ട്രക്കും ബൈക്കുകളും കൂട്ടിയിടിച്ച് രണ്ടുപേര്‍ മരിച്ചു; നാലുപേര്‍ക്കു പരിക്ക്

മംഗലാപുരം: അടയ്ക്ക കയറ്റിപ്പോകുകയായിരുന്ന ട്രക്കും എതിരെവന്ന മൂന്നു ബൈക്കുകളും കൂട്ടിയിടിച്ച് ബൈക്ക് യാത്രക്കാരായ രണ്ടുപേര്‍ തത്ക്ഷണം മരിച്ചു. നാലുപേര്‍ക്കു പരിക്കേറ്റു. ഭട്കല്‍ മംകി ഗുരുവന്തെയിലെ ദേശീയപാത 66-ലാണ് അപകടം.

ഹൊന്നാവറിലെ സ്വകാര്യകമ്പനി ജീവനക്കാരായ അമിത(25), സതീഷ്(27) എന്നിവരാണ് മരിച്ചത്. ഇവര്‍ ഷിമോഗ സ്വദേശികളാണ്. ബൈന്ദൂരിലെ നാഗേന്ദ്രപൂജാരി, സുബ്ബയ്യ, മല്‍പെയിലെ നിഖില്‍ സാലിയാന്‍, ലതീഷ് മെന്‍ഡന്‍ എന്നിവരാണ് പരിക്കുകളോടെ മുരടേശ്വര്‍ ആസ്​പത്രിയിലുള്ളത്.

സിര്‍സി മരിജത്രയില്‍നിന്ന് ബൈന്ദൂരിലേക്കു മടങ്ങുകയായിരുന്നു ബൈക്കിലുള്ളവര്‍. കാര്‍വാറിലേക്ക് അടയ്ക്കയുമായി പോയ ട്രക്കുമായാണ് മൂന്നു ബൈക്കും കൂട്ടിയിടിച്ചത്. അപകടം മൂലം ദേശീയപാതയില്‍ മണിക്കൂറുകളോളം ഗതാഗതം താറുമാറായി. മംകി പോലീസ് കേസെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News