ഭര്‍ത്താവിനെ കുളിമുറിയില്‍ തീകൊളുത്തി കൊന്ന കേസില്‍ ഇന്ത്യക്കാരി കുറ്റക്കാരിയെന്ന് യുഎസ് കോടതി

ഹൂസ്റ്റണ്‍: ഭര്‍ത്താവിനെ കുളിമുറിയില്‍ തീകൊളുത്തി കൊന്ന കേസില്‍ ഇന്ത്യക്കാരി കുറ്റക്കാരിയാണെന്ന് അമേരിക്കന്‍ കോടതി വിധിച്ചു. ശിക്ഷ പിന്നീട് പ്രഖ്യാപിക്കും. പരോള്‍ ലഭിക്കാത്ത ജീവപര്യന്തം തടവ് ശിക്ഷവരെ ലഭിക്കാം. ടെക്‌സാസിലെ കോടതിയിലാണ് വിചാരണ നടന്നത്.

ബിസിനസ്സുകാരന്‍ ബിമന്‍ പട്ടേലിനെ കൊന്ന കുറ്റത്തിന് 27-കാരിയായ ശ്രിയ പട്ടേലാണ് പ്രതി. 2011-ല്‍ ആണ് കേസിനാസ്പദമായ സംഭവം. ഭര്‍ത്താവിനെ മസ്സാജ് ചെയ്യാനെന്ന വ്യാജേന കുളിമുറിയില്‍ കൊണ്ടുപോയി പെട്രോളൊഴിച്ച് തീകൊളുത്തുകയായിരുന്നു.

ഗുരുതരമായി പരിക്കേറ്റ ബിമന്‍ പട്ടേല്‍ , സംഭവം നടന്ന് അഞ്ച് മാസത്തിന് ശേഷം ആസ്പത്രിയിലാണ് മരിച്ചത്. ബിമന്‍ ദീര്‍ഘകാലമായി അമേരിക്കയിലായിരുന്നു. ഇന്ത്യയില്‍ നിന്ന് വിവാഹം കഴിച്ച് ഒരുവര്‍ഷത്തിന് ശേഷമാണ് ശ്രിയയെ അമേരിക്കയിലേക്ക് കൊണ്ടുപോകുന്നത്. ശ്രിയ അമേരിക്കയിലെത്തി ഒരാഴ്ച പിന്നിടും മുമ്പായിരുന്നു ബിമനിന്റെ മരണം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Wife, Murder, Husband, US Court.