ആത്മഹത്യയ്ക്ക് ശ്രമിച്ച വിദ്യാര്‍ത്ഥിനി ആതീവ ഗുരുതരാവസ്ഥയില്‍

ഉദുമ: പാലക്കന്ന് കരിപ്പോടിയിലെ വുമന്‍സ് കേളേജില്‍ നിന്നും മോഷണ കുററം ആരോപിച്ചതില്‍ മനംനെന്ത് ആത്മഹത്യയ്ക്ക് ശ്രമിച്ച ഉദുമ പാക്യാരയിലെ ഡിഗ്രി വിദ്യാര്‍ത്ഥിനിയുടെ നില അതീവ ഗുരുതരമായി തുടരുന്നു.

മംഗലാപുരം എ.ജെ. ഹോസ്പിററലില്‍ വെന്റിലെറ്റൊരിന്റെ സഹായത്തോടെയാണ് 19 കാരിയ വിദ്യാര്‍ത്ഥിനിയുടെ ജീവന്‍ നില നിര്‍ത്തുന്നത്.

കോളജിലെ ഒരു വിദ്യാര്‍ത്ഥിനിയുടെ സാംസങ് ഗ്യാലക്‌സി മൊബൈല്‍ഫോണ്‍ നഷ്ടപ്പെട്ടിരുന്നു. മൊബൈല്‍ഫോണ്‍ മോഷ്ടിച്ചത് ആത്മഹത്യയ്ക്ക് ശ്രമിച്ച വിദ്യാര്‍ത്ഥിനിയാണെന്നാരോപിച്ച് ചില വിദ്യാര്‍ത്ഥിനികള്‍ അപവാദ പ്രചരണം നടത്തിയിരുന്നു. ഇതില്‍ മനം നൊന്താണ് കഴിഞ്ഞ ബുധനാഴ്ച വൈകിട്ട് 7 മണിയോടെ സ്വന്തം വീട്ടിലെ കിടപ്പുമുറിയിലാണ് വിദ്യാര്‍ത്ഥിനി കെട്ടിത്തൂങ്ങി ജീവനൊടുക്കാന്‍ ശ്രമിച്ചത്.

ശബ്ദം കേട്ട് ബന്ധുക്കള്‍ ഓടിയെത്തി ഷാള്‍ അറുത്തുമാറ്റി ആദ്യം ഉദുമയിലെ സ്വകാര്യാശുപത്രിയിലും നില ഗുരുതരമായതിനാല്‍ പിന്നീട് മംഗലാപുരം ആശുപത്രിയിലും പ്രവേശിപ്പിക്കുകയായിരുന്നു.

അതിനിടെ വിദ്യാര്‍ത്ഥിനി മരിച്ചതായുളള പ്രചാരണം ഉദുമയിലും പരിസര പ്രദേശങ്ങളിലും വ്യാപകമായി നടക്കുന്നുണ്ട്. ഇതിന്റെ അടിസ്ഥാനത്തില്‍ ആരോപണ വിധേയമായ കോളേജിനും തൊട്ടടുത്ത സ്‌കൂളിനും പോലീസ് കാവല്‍ ഏര്‍പ്പെടുത്തിയിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News