ആലക്കോട് നിന്ന് കാണാതായ കാസര്‍കോട്ടുകാരിയെ എറണാകുളത്ത് കണ്ടെത്തി

ആലക്കോട്: കാണാതായ പെണ്ടക്കുട്ടിയെ മണിക്കൂറുകള്‍ നീണ്ട ആശങ്കകള്‍ക്കൊടുവില്‍ എറണാകുളത്ത് കണ്ടെത്തിയത് ബന്ധുക്കള്‍ക്ക് ആശ്വാസമായി. 

കാസര്‍കോടു സ്വദേശിനിയായ 17 കാരി വിദ്യാര്‍ത്ഥിനിയെയാണ് കാണാതായത്. കരുവഞ്ചാലിലെ ബന്ധുവീട്ടിലെത്തിയ പെണ്‍ക്കുട്ടിയെ ബുധനാഴ്ച രാവിലെ 11മണിയോടെ കാണാതാവുകയായിരുന്നു.

ബന്ധുക്കള്‍ പല സ്ഥലങ്ങളിലും അന്വേഷണം നടത്തിയെങ്കിലും ഒരു വിവരവും ലഭിക്കാതെ വന്നതിനെ തുടര്‍ന്ന ആലക്കോട് പോലീസില്‍ പരാതി നല്‍കി. ആലക്കോട് എസ്.ഐ പി.വി.പവിത്രന്‍, സീനിയര്‍ സിവില്‍ ഓഫീസര്‍ ഗോപിനാഥ് എന്നിവരുടെ നേതൃത്വത്തില്‍ മണിക്കൂറുകളോളം സൈബര്‍സെല്ലുമായി ബന്ധപ്പെട്ട് നടത്തിയ അന്വേഷണത്തില്‍ പെണ്‍ക്കുട്ടിയുടെ കയ്യിലുണ്ടായിരുന്ന മൊബൈല്‍ ഫോണിന്റെ ടവര്‍ ലൊക്കേഷന്‍ കണ്ടെത്തി. 

തുടര്‍ന്ന് രാത്രി 11.30 ഓടെ എറണാകുളം നോര്‍ത്ത് റെയില്‍വേ സ്‌റ്റേഷനില്‍ പെണ്‍ക്കുട്ടിയെ കണ്ടെത്തുകയായിരുന്നു.വീട്ടിലുണ്ടായ നിസാര പ്രശ്‌നങ്ങളുടെ പേരില്‍ പെണ്‍ക്കുട്ടി വീടുവിട്ടിറങ്ങുകയായിരുന്നത്രേ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Missing, Police, Case,Alakkode.