സഞ്ജയ് ദത്തിന്റെ സഹോദരിയെ നേരിടാന്‍ പ്രീതി സിന്റ?

ബോളിവുഡ് സുന്ദരി പ്രീതി സിന്റ രാഷ്ട്രീയത്തിലേക്ക് ഇറങ്ങുന്നതായി റിപ്പോര്‍ട്ട്. വരുന്ന പാര്‍ലമെന്റ് തെരഞ്ഞെടുപ്പില്‍ മത്സരിക്കാനാണ് താരത്തിന്റെ തീരുമാനം. നോര്‍ത്ത്-സെന്‍ട്രല്‍ മുംബൈയില്‍ നിന്നും ബിജെപി ടിക്കറ്റില്‍ മത്സരിക്കാനാണ് താരം തയാറെടുക്കുന്നതെന്നാണ് ദേശീയ മാധ്യമങ്ങള്‍ റിപ്പോര്‍ട്ടു ചെയ്യുന്നത്.

കോണ്‍ഗ്രസിലെ പ്രിയ ദത്താണ് ഇപ്പോള്‍ ഇവിടുത്തെ പാര്‍ലമെന്റഗം. ബിജെപി ജനറല്‍ സെക്രട്ടറി രാജീവ് പ്രതാപ് റുഡി ഇതു സംബന്ധിച്ച് പ്രീതിയുമായി സംസാരിച്ചു കഴിഞ്ഞു. എന്നാല്‍ പ്രീതി സിന്റ ഈ ഓഫറിനോട് അനുകൂലമായോ പ്രതികൂലമായോ ഇതുവരെ പ്രതികരിച്ചിട്ടില്ല.

സിനിമയില്‍ ഇപ്പോള്‍ താരത്തിന് അത്ര നല്ല സമയമല്ല. പ്രീതിയുടേതായി ഒടുവില്‍ പ്രദര്‍ശനത്തിനെത്തിയ ഇഷ്ഖ് ഇന്‍ പാരീസ് ബോളിവുഡില്‍ കാര്യമായ ചലനം സൃഷ്ടിച്ചില്ല. പ്രീതി കടുത്ത സാമ്പത്തിക പ്രതിസന്ധി നേരിടുന്നതായും അടുത്തിടെ വാര്‍ത്തയുണ്ടായിരുന്നു. എന്നാല്‍ ഇതു താരം നിഷേധിക്കുകയും ചെയ്തിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Preethi Sindam Bollywood Actress, Politics.