നരേന്ദ്രമോഡിയും നടന്‍ വിജയിയും കൂടിക്കാഴ്ച നടത്തി

ചെന്നൈ: രജനികാന്തിന് പിന്നാലെ ബിജെപി പ്രധാനമന്ത്രി സ്ഥാനാര്‍ത്ഥി നരേന്ദ്രമോഡിയെ നടന്‍ വിജയിയും സന്ദര്‍ശിച്ചു. കോയമ്പത്തൂരില്‍ ബിജെപിയുടെ തെരഞ്ഞെടുപ്പ് റാലിയില്‍ പങ്കെടുക്കാനെത്തിയ മോഡി താമസിച്ച ഹോട്ടലിലെത്തിയാണ് വിജയ് അദ്ദേഹത്തെ കണ്ടത്.

മോഡി സേലത്തുനിന്നും എത്തിയ ഉടനെയായിരുന്നു കൂടിക്കാഴ്ച. മോഡിയെ സന്ദര്‍ശിക്കാന്‍ കഴിഞ്ഞതില്‍ സന്തോഷമുണ്ടെന്ന് വിജയ് പറഞ്ഞു. കൂടിക്കാഴ്ചയുമായി ബന്ധപ്പെട്ട കൂടുതല്‍ കാര്യങ്ങള്‍ പ്രതികരിക്കാന്‍ വിജയ് തയാറായില്ല.

അടുത്തിടെ സൂപ്പര്‍സ്റ്റാര്‍ രജനികാന്ത് ചെന്നൈയില്‍ വെച്ച് മോഡിയുമായി കൂടിക്കാഴ്ച നടത്തിയിരുന്നു. തെരഞ്ഞെടുപ്പ് അടുത്ത വേളയില്‍ സൂപ്പര്‍ താരങ്ങളുടെ സന്ദര്‍ശനം വോട്ടാക്കി മാറ്റാന്‍ കഴിയുമെന്ന പ്രതീക്ഷയിലാണ് ബിജെപി നേതൃത്വം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Actor Vijay, Narendra Modi.