1955ല്‍ യു.എസ്.എ.യില്‍ നിര്‍മ്മിച്ച വിമാനത്തിന് 49 വര്‍ഷം പഴക്കമുണ്ടായിരുന്നുവെന്ന് ഉമ്മന്‍ ജോയി പറഞ്ഞു.യാത്രക്കാരെ കയറ്റാന്‍ അനുമതി ഇല്ലാത്ത വിമാനത്തിന് ഇന്‍ഷൂറന്‍സും ഇല്ലായിരുന്നു.കോ-പൈലറ്റിനെ ഒഴിവാക്കി ആ സീറ്റിലാണ് സൗന്ദര്യയെ ഇരുത്തിയത്.എന്നാല്‍ ഈ ഭാഗത്തെ യന്ത്രോപകരണങ്ങള്‍ അഴിച്ചു മാറ്റിയിരുന്നില്ല.
വിമാനത്തിന്റെ ഉടമകളായ അഗ്നി ഏറോസ്‌പോര്ട്‌സ് അക്കാദമിയുടെ ഉടമ സിവില്‍ ഏവിയേഷന്റെ അംഗീകൃത എക്‌സാമിനര്‍ ആയിരുന്നു.ഈ സ്വാധീനത്താലാണ് വിമാനാപകടത്തെ സംബന്ധിച്ച കാര്യങ്ങള്‍ പുറത്തുവരാതിരുന്നതെന്ന് ഉമ്മന്‍ജോയി ആരോപിച്ചു.
ലേബര്‍ കോടതിയില്‍ വര്‍ക്ക്‌മെന്‍ കോമ്പന്‍സേഷനു വേണ്ടി ഫയല്‍ ചെയ്ത കേസില്‍ 2013ല്‍ 5.58 ലക്ഷം രൂപ ലഭിച്ചതൊഴിച്ചാല്‍ യാതോരു നഷ്ടപരിഹാരവും ഇതു വരെ ലഭിച്ചിട്ടില്ല.കമ്പനി ഉടമ ഒരു കത്തു പോലും അയച്ചില്ലെന്ന് അദ്ദേഹം പറഞ്ഞു.നഷ്ടപരിഹാരത്തിനു വേണ്ടി കോടതിയില്‍ ഫയല്‍ ചെയ്ത കേസിലും തീരുമാനമായിട്ടില്ല.
മകന്റെ പഠനത്തിനു വേണ്ടിയുള്ള കടങ്ങള്‍ പോലും വീ്ട്ടാനായിട്ടില്ലെന്ന് വിമുക്തഭനായ ഉമ്മന്‍ജോയി പറഞ്ഞു.ഭാര്യ ശോശാമ്മ ജോയി സംഭവത്തിനു ശേഷം കിടപ്പിലാണ്. ആലപ്പുഴ ജില്ലയില്‍ ചുനക്കര നോര്‍ത്ത് പീസ് വില്ലയിലാണ് 71 കാരനായ ഉമ്മന്‍ജോയി താമസിക്കുന്നത്.ജോയ് വര്‍ഗീസാണ് മൂത്തമകന്‍.
രാഷ്ട്രപതിയും പ്രധാനമന്ത്രിയുമടക്കമുള്ളവരെ നേരില്‍ക്കണ്ട് നിവേദനങ്ങള്‍ നല്‍കിയിട്ടും യാതോരു സഹായവും ലഭിച്ചില്ല.സംഭവത്തില്‍ സി.ബി.ഐ.അന്വേഷണം ആവശ്യപ്പെട്ട് കോണ്‍ഗ്രസ് വൈസ് പ്രസിഡന്റ് രാഹുല്‍ഗാന്ധിക്ക് മന്ത്രി രമേശ് ചെന്നിത്തല മുഖാന്തിരം നിവേദനം നല്‍കിയതായി ഉമ്മന്‍ ജോയി പറഞ്ഞു. കല്ലട ജോണ്‍സനും പത്രസമ്മേളത്തില്‍ പറഞ്ഞു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News,Actress, Soudarya, Flight Tragedy.
No comments:
Post a Comment