ഭര്‍ത്താവിനൊപ്പം ഉറങ്ങാന്‍ കിടന്ന നവവധു അപ്രത്യക്ഷയായി

കാഞ്ഞങ്ങാട്: ഭര്‍ത്താവിനൊപ്പം കിടന്നുറങ്ങിയ നവവധുവിനെ കാണാതായി. ബേക്കല്‍ ബാര എരോല്‍കുന്നിലെ രമേശയുടെ മകള്‍ എ. പൂര്‍ണ്ണിമ(19) യെയാണ് കാണാതായത്. ഈ മാസം നാലിനാണ് പൂര്‍ണ്ണിമയുടെ വിവാഹം നടന്നത്. പനയാലിലെ മഞ്ചുനാഥയുടെ മകന്‍ ഗുരുവയ്യയാണ് ഭര്‍ത്താവ്.

വിവാഹം കഴിഞ്ഞ് രണ്ടു ദിവസം ഭര്‍ത്താവിനൊപ്പം കഴിഞ്ഞ പൂര്‍ണ്ണിമയെ മൂന്നാം ദിവസം രാവിലെ വീട്ടുകാര്‍ ഉണര്‍ന്നപ്പോഴാണ് കാണാനില്ലെന്ന വിവരം അറിയുന്നത്. രാത്രി ഭര്‍ത്താവിനൊപ്പം കിടന്നുറങ്ങിയതാണെന്ന് പറയുന്നു. ഇതു സംബന്ധിച്ച് പരാതിയില്‍ ബേക്കല്‍ പോലീസ് കേസെടുത്ത് അന്വേഷിച്ചു വരുന്നു. അതേ സമയം പ്രദേശത്ത് നിന്ന് ഒരു ബസ് ഡ്രൈവറെയും കാണാതായതായി പറയുന്നു. ഇതു സംബന്ധിച്ച് അന്വേഷണം നടക്കുകയാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Escape, kenhangad, Police, Case.