പള്ളിക്കര ബീച്ച് പാര്‍ക്കില്‍ നാലുവയസ്സുകാരിയുടെ ചെവി കുതിര കടിച്ചു പറിച്ചു

ബേക്കല്‍: പള്ളിക്കര ബീച്ച് പാര്‍ക്കില്‍ പെണ്‍കുട്ടിയുടെ ചെവി കുതിര കടിച്ചു പറിച്ചു. അജാനൂര്‍ പള്ളത്തുങ്കാലിലെ ഗള്‍ഫുകാരന്‍ കുഞ്ഞികൃഷ്ണന്റെ നാല് വയസുള്ള മകള്‍ കൃഷ്ണ പ്രിയയുടെ ചെവിയാണ് കുതിര കടിച്ചു പറിച്ചെടുത്തത്.

കുഞ്ഞികൃഷ്ണനും ഭാര്യ സീമയും മകള്‍ കൃഷ്ണ പ്രിയയും ഞായറാഴ്ച വൈകീട്ടാണ് പാര്‍ക്കിലെത്തിയത്. പാര്‍ക്കിലെ കാഴ്ച കണ്ട് നടക്കുമ്പോഴാണ് കയറൂരി വിട്ട കുതിര ഇവരുടെ അടുത്തെത്തിയത്. കൃഷ്ണ പ്രിയയുടെ മുടിയില്‍ മുലപ്പൂവ് ചെവി മറഞ്ഞ നിലയില്‍ ചൂടിയിരുന്നു. മുല്ലപ്പു കണ്ട കുതിര ഇത് കടിച്ചെടുക്കുകയായിരുന്നു. ഇതിനിടയിലാണ് ചെവിയുടെ ഒരു ഭാഗവും പറിഞ്ഞു പോയത്.

ഉടന്‍ തന്നെ പാര്‍ക്കിലെ ജീവനക്കാര്‍ സ്വകാര്യ ആശപത്രയിലും പിന്നീട് മംഗലാപുരം എ.ജെ ആശുപത്രിയിലും പ്രവേശിപ്പിച്ചു. കൃഷ്ണ പ്രിയയ്ക്ക് പ്ളാസ്റ്റിക്ക് സര്‍ജറി നടത്തും. ലീവിന് നാട്ടില്‍ വന്ന കുഞ്ഞികൃഷ്ണന്‍ അടുത്ത ആഴ്ച്ച ഗള്‍ഫിലേക്ക് തിരിച്ചു പോകുന്നതിനു മുമ്പ് കുടുംബത്തോടൊപ്പം പാര്‍ക്കില്‍ ഉല്ലാസ യാത്രയ്‌ക്കെത്തിയതായിരുന്നു.

പാര്‍ക്ക് ഏറ്റടുത്ത് നടത്തുന്നവര്‍ മംഗലാപുരം ആശുപത്രിയിലെത്തി എല്ലാകാര്യങ്ങളും ചെയ്തുകൊടുത്തു. കാസര്‍കോട്ടെ ജിബിന്റെതാണ് കുതിര. കരാര്‍ അടിസ്ഥാനത്തിലാണ് കുതിരയെ പാര്‍ക്കിലത്തിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News