ഹക്കീംവധം: ഗള്‍ഫില്‍ നിന്ന് നാട്ടിലെത്തിയ യുവാവിനെ ചോദ്യംചെയ്തു

പയ്യന്നൂര്‍: തെക്കേ മമ്പലം സ്വദേശി എം. ദാമോദരന്‍ എന്ന ഹക്കീം (45)വധവുമായി ബന്ധപ്പെട്ട് ഒരാളെ പോലീസ് ചോദ്യം ചെയ്യാന്‍ കസ്റ്റഡിയിലെടുത്തു. പയ്യന്നൂര്‍ സ്വദേശി ഇസ്മയിലിനെയാണ് കസ്റ്റഡിയിലെടുത്തത്. കഴിഞ്ഞ ഫെബ്രുവരി പത്തിന് പുലര്‍ച്ചെയാണ് പയ്യന്നൂര്‍ റെയില്‍വേ സ്റ്റേ്ഷന് സമീപം കൊറ്റി മദ്രസ കെട്ടിടസ്ഥിന്റെ ചുവരിനോട് ചേര്‍ന്ന് ഹക്കീമിനെ കത്തിക്കരിഞ്ഞ നിലയില്‍ കണ്ടെത്തിയത്. 

ഹക്കിമിന്റെ മരണത്തിന് ശേഷം ഇസ്മയില്‍ ഗള്‍ഫിലേക്ക് കടന്നത് സംശയം ഉയര്‍ത്തിിയിരുന്നു. പള്ളിയുടെ കുറി പിരിവുകാരനായ ഹക്കീമിന്റെ ജോലി മുമ്പ് ചെയ്തിരുന്നത് ഇസ്മയിലായിരുന്നു. ഇതേ തുടര്‍ന്ന് ഇസ്മയിലിനെ ഗള്‍ഫില്‍ നിന്ന് പോലീസ് വിളിച്ചു വരിത്തുകയായിരുന്നു. വ്യാഴാഴ്ച പയ്യന്നൂരില്‍ എത്തിയ ഇസ്മയിലിനെ തളിപ്പറമ്പ് ഡി.വൈ.എസ്.പി: കെ.എസ്. സുദര്‍ശനന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് വ്യാഴാഴ്ച രാത്രി ഇസ്മയിലിനെ ചോദ്യം ചെയ്തത്. വെള്ളിയാഴ്ചയും ഇസ്മയിലിനെ ചോദ്യം ചെയ്യും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Payyannur, Hakkeem, Murder Case, Police, Custody.