കാസര്‍കോട് മൊബൈല്‍ പോലീസ് സ്റ്റേഷന്‍ വരുന്നു

തിരുവനന്തപുരം: പൊലീസ് സ്‌റ്റേഷന്റെ മുഴുവന്‍ അധികാരവുമുള്ള മൂന്നു മൊബൈല്‍ പൊലീസ് സ്‌റ്റേഷനുകള്‍ സംസ്ഥാനത്തു രൂപീകരിക്കാനുള്ള ഫയലില്‍ ആഭ്യന്തരമന്ത്രി രമേശ് ചെന്നിത്തലഒപ്പുവച്ചു. സര്‍ക്കാര്‍ ഉത്തരവ് ഉടന്‍ ഇറങ്ങും. കാസര്‍കോട്, വയനാട്, പാലക്കാട് ജില്ലകളിലാണ് ആദ്യം മൊബൈല്‍ പൊലീസ് സ്‌റ്റേഷന്‍ തുടങ്ങുന്നത്.

സാധാരണ പൊലീസ് സ്‌റ്റേഷനുള്ള അധികാരത്തിനു പുറമെ ജില്ലയിലെ ഏതു സ്ഥലത്തെയും കേസ് റജിസ്റ്റര്‍ ചെയ്യാനും അന്വേഷിക്കാനുമുള്ള അധികാരം ഇവയ്ക്കുണ്ടാകും. മുതിര്‍ന്ന പൗരന്‍മാരുടെയും ശാരീരിക-മാനസിക വൈകല്യമുള്ളവരുടെയും പരാതികള്‍ അവരുടെ സ്ഥലങ്ങളില്‍ ചെന്നു നേരിട്ടു സ്വീകരിക്കാനും മൊഴി രേഖപ്പെടുത്താനും സാധിക്കും.

Keywords: kasaragod, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News