തീവണ്ടിയില്‍ വിദ്യാര്‍ത്ഥിനിയെ ശല്യം ചെയ്ത ആലക്കോട് സ്വദേശി കാസര്‍കോട്ട് പിടിയില്‍

കാസര്‍കോട്: തീവണ്ടിയില്‍ വിദ്യാര്‍ത്ഥിനിയെ ശല്യപ്പെടുത്തിയതിന് ആലക്കോട്  സ്വദേശി അറസ്റ്റില്‍. ഒരാള്‍ ഓടി രക്ഷപ്പെട്ടു.

രയരോം മഠത്തില്‍ ഗിരീഷ് (32)നെയാണ് കാസര്‍കോട് റെയില്‍വേപോലീസ് അറസ്റ്റ് ചെയ്തത്. ഓടി രക്ഷപ്പെട്ട ആലക്കോട് സ്വദേശി അജിത്ത് (32)ന് എതിരെ കോസെടുത്തു.

ചൊവ്വാഴ്ച വൈകുംന്നേരം മംഗലാപുരം-കണ്ണൂര്‍ പാസഞ്ചറിലാണ് സംഭവം. മംഗലാപുരത്ത് നിന്ന് തീവണ്ടിയില്‍ കയറിയ ഗിരീഷും അജീഷും കാസര്‍കോട് സ്വദേശിനിയായ വിദ്യാര്‍ത്ഥിനി ഇരുന്ന സീറ്റിലാണ് ഇരുന്നതത്രേ. വിദ്യാര്‍ത്ഥിനി ഒഴിഞ്ഞു മാറാന്‍ ശ്രമിച്ചെങ്കിലും വിട്ടില്ലത്രെ.വണ്ടി കാസര്‍കോട് എത്തിയ ഉടന്‍ പെണ്‍ക്കുട്ടി റെയില്‍വേ പോലീസിനോട് വിവരം പറഞ്ഞു. പോലീസ് ഉടന്‍ വണ്ടിയില്‍ കയറി ഗിരീഷിനെ പിടികൂടുകയായിരുന്നു. ഈ സമയം അജീഷ് ഇറങ്ങിയോടി രക്ഷപ്പെട്ടു.

Keywords: kasaragod, Arrested, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News