ആര്എസ്എസ് ജില്ലാ നേതാവ് മനോജിന്റെ കൊലക്ക് തിരിച്ചടിയുണ്ടാവില്ലന്ന് നേതാക്കള് ആവര്ത്തിച്ച് പ്രഖ്യാപിക്കുമ്പോഴും പക്ഷെ, അണികള് അടങ്ങിയിരിക്കുന്നില്ല. സിപിഎം നേതാക്കള്ക്കു നേരെ വധഭീക്ഷണിയും അധിക്ഷേപവും ചൊരിഞ്ഞ് ആര്എസ്എസ് ബിജെപി പ്രവര്ത്തകരുടെ നിരവധി പോസ്റ്റുകളാണ് ദിനംപ്രതി സോഷ്യല് മീഡിയകളില് പ്രത്യക്ഷപ്പെടുന്നത്.
സിപിഎം ജില്ലാ സെക്രട്ടറി പി ജയരാജനെയും മകന് ജെയിന് രാജിനെയും വധിക്കുമെന്ന് മുന്നറിയിപ്പു നല്കുന്ന പോസ്റ്റുകളും ഇക്കൂട്ടത്തിലുണ്ട്. ജയരാജാ...അന്ന് നിന്നെ കൊല്ലാതെ വിട്ടത് ആര്എസ്എസിന്റെ കഴിവു കേടായി കരുതുന്നെങ്കില് ആ ചിന്ത മാറ്റാന് സംഘത്തിനറിയാം... നിന്റെ മകന് മരണം യാചിക്കുന്നത് കണ്ടില്ലേ.... എന്നാണ് ഒരു പോസ്റ്റ്. ഇത്തരം പോസ്റ്റുകള്ക്കെതിരെ സിപിഎം നിയമ നടപടിക്ക് ഒരുങ്ങുകയാണ്. സി.പി.എം സംസ്ഥാന കമ്മറ്റി അംഗം എം.വി ജയരാജന് ഞായറാഴ്ച കണ്ണൂര് എസ്പിക്കും സൈബര് സെല്ലിനും പരാതി നല്കും.
മനോജിന്റെ കൊലപാതകത്തിനു തൊട്ടു പിന്നാലെ പിജയരാജെന്റ മകന് ഫെയ്സ് ബുക്കിലൂടെ നടത്തിയ പ്രതികരണം ഏറെ വിവാദമാവുകയും കതിരൂര് പോലീസ് സ്വമേധയ കേസെടുക്കുകയും ചെയ്തിരുന്നു. ആര്എസ്എസ് -ബിജെപി പ്രവര്ത്തകരുടെ പ്രകോപനപരമായ പരാമര്ശങ്ങള്ക്കെതിരെ നടപടിയെടുക്കാത്ത ആഭ്യന്തര വകുപ്പിനെതിരെ സി.പി.എം പ്രവര്ത്തകരും സോഷ്യല് മീഡിയായിലൂടെ പ്രതികരിച്ചു തുടങ്ങിയിട്ടുണ്ട്.
Keywords: Kasaragod, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment