തിങ്കളാഴ്ച ഉച്ചയോടെയാണ് സംഭവം. മന്ത്രിയെത്തുന്നതറിഞ്ഞ് പെരിയയിലും പെരിയാട്ടടുക്കത്തും കരിങ്കൊടി കാണിക്കാനായി എസ്.എഫ്.ഐ പ്രവര്ത്തകര് കാത്ത് നിന്നിരുന്നു. രഹസ്യമായി ഈ വിവരമറിഞ്ഞ മന്ത്രി റൂട്ട് മാറ്റി പള്ളിക്കര, അമ്പങ്ങാട്, പുതുക്കോളി വഴി ഉദ്ഘാടന ചടങ്ങിനെത്തിച്ചേര്ന്നു. ഇതറിഞ്ഞ എസ്.എഫ്.ഐ പ്രവര്ത്തകര് കരിങ്കൊടിയുമായി കുണിയയില് എത്തിയപ്പോള് പോലീസ് തടയുകയായിരുന്നു.
ഇതിനിടെ എസ്.എഫ്.ഐ പ്രവര്ത്തകരെ തടയാന് ലീഗ് പ്രവര്ത്തകരും രംഗത്ത് എത്തിയതോടെ പോലീസ് ലാത്തിചാര്ജ്ജ് നടത്തുകയായിരുന്നു.
സംഭവത്തില് എസ്.എഫ്.ഐ ജില്ലാ സെക്രട്ടറി രജീഷ് വെള്ളാട്ട്, സുഭാഷ് പാടി, സത്താര്, ഖദീജത്ത് സുഹൈല എന്നിവര്ക്ക് പരിക്കേറ്റു. തടയാന് ചെന്ന പോലീസിന് നേരെയുണ്ടായ കല്ലേറില് നാല് പോലീസുകാരനും പരിക്കേറ്റു.
എസ്.എഫ്.ഐ. പ്രവര്ത്തകരെ നീക്കിയ ശേഷം കോളജിന്റെ ഉദ്ഘാടനം മന്ത്രി നിര്വ്വഹിച്ചു. മന്ത്രിയെ തടയാന് സാധ്യതയുണ്ടെന്ന റിപോര്ട്ടിന്റെ അടിസ്ഥാനത്തില് വന് പോലീസ് സന്നാഹം ഉദ്ഘാടനപരിപാടി നടന്ന കുണിയ ഗവ. ഹയര്സെക്കന്ഡറി സ്കൂള് പരിസരത്ത് നിലയുറപ്പിച്ചിരുന്നു.
Keywords: Kasaragod, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment