ഒക്ടോബര് 28ന് ടെന്ഡര് അനുവദിക്കും. മൂന്ന് മാസത്തിനകം സര്വേ പൂര്ത്തിയാക്കണമെന്നാണ് വ്യവസ്ഥ. പ്രാഥമിക സര്വേ റിപ്പോര്ട്ടിന്െറ അടിസ്ഥാനത്തിലായിരിക്കും വിശദമായ സര്വേ നടക്കുകയെന്നും എം.പി പറഞ്ഞു. കാഞ്ഞങ്ങാട്ടുനിന്ന് പാണത്തൂര് വരെ നേരത്തേ നടത്തിയ സര്വേ ഒഴിവാക്കി കാഞ്ഞങ്ങാട്-കാണിയൂര് വരെ ഒറ്റഘട്ടമായാണ് പുതിയ സര്വേ.
നിര്ദിഷ്ട റെയില്പാത വരുകയാണെങ്കില് കാഞ്ഞങ്ങാട് നഗരത്തില്നിന്ന് ബംഗളൂരുവിലേക്കുള്ള യാത്രാസമയം ഏഴു മണിക്കൂറായി ചുരുങ്ങും. കൂടാതെ, വിനോദസഞ്ചാര കേന്ദ്രങ്ങളായ റാണിപുരം, ബേക്കല്, തലക്കാവേരി തുടങ്ങിയ സ്ഥലങ്ങളിലേക്ക് സഞ്ചാരികള്ക്ക് പെട്ടെന്ന് എത്തിച്ചേരാനും സാധിക്കും.
നേരത്തേ, കാഞ്ഞങ്ങാട്-പാണത്തൂര് റെയില്പാത സര്വേ ജനങ്ങളില്നിന്ന് ഒരു പ്രതിഷേധവുമില്ലാതെ ജനകീയ സമിതിയുടെ കീഴില് നടത്തിയിരുന്നു. അതുപോലെ പുതിയ സര്വേയും ജനങ്ങളുടെ പൂര്ണ പിന്തുണയോടെ നടത്താനാവുമെന്ന് പി. കരുണാകരന് പ്രത്യാശ പ്രകടിപ്പിച്ചു. വാര്ത്താസമ്മേളനത്തില് എം. പൊക്ളനും സംബന്ധിച്ചു.
Keywords: Kasaragod, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment