ചെറായി ആറാട്ട് കടവിന് സമീപം കായലിലാണ് കുവൈറ്റ് രാജകുമാരന്‍ ഷേയ്ക്ക് നാസര്‍ അല്‍ഷാബയുടെ ആഡംബര നൗക അപകടത്തില്‍ പെട്ടത്. വേഗത്തില്‍ വന്ന നൗക കായലിലെ മരക്കുറ്റിയിലിടിച്ച് മറിയുകയായിരുന്നു. അടുത്തുണ്ടായിരുന്ന മത്സ്യത്തൊഴിലാളികളാണ് ബോട്ടില്‍ നിന്ന് രാജകുമാരനെയും മറ്റ് രണ്ട് സുഹൃത്തുക്കളെയും രക്ഷപ്പെടുത്തി കരയിലെത്തിച്ചത്.
അപകടം നടന്ന് അധികം കഴിയും മുന്നേ സ്ഥലത്തേക്ക് ആഡംബര കാറുകള്‍ പാഞ്ഞെത്തിയപ്പോഴാണ് തങ്ങള്‍ രക്ഷപ്പെടുത്തിയത് കുവൈറ്റ് രാജകുമാരനെയാണെന്ന് ഇവര്‍ അറിയുന്നത്.
അപകടം നടന്ന് അധികം കഴിയും മുന്നേ സ്ഥലത്തേക്ക് ആഡംബര കാറുകള്‍ പാഞ്ഞെത്തിയപ്പോഴാണ് തങ്ങള്‍ രക്ഷപ്പെടുത്തിയത് കുവൈറ്റ് രാജകുമാരനെയാണെന്ന് ഇവര്‍ അറിയുന്നത്.
രഹസ്യ സന്ദര്‍ശനമായിരുന്നതിനാല്‍ തന്റെ ചിത്രങ്ങള്‍ പകര്‍ത്തരുതെന്ന് നാട്ടുകാരോട് രാജകുമാരന്‍ അഭ്യര്‍ത്ഥിച്ചു. കുവൈറ്റില്‍ നിന്ന് ഇറക്കുമതി ചെയ്ത കോടികള്‍ വിലമതിക്കുന്ന ആഡംബര നൗകയാണ് അപകടത്തില്‍ പെട്ടത്. വെള്ളത്തില്‍ മുങ്ങിയ നൗക ഏറെ നേരത്തെ പരിശ്രമത്തിനൊടുവിലാണ് ഉയര്‍ത്തിയെടുത്തത്. പിന്നീട് വൈകീട്ടോടെ പ്രത്യേക വിമാനത്തില്‍ രാജകുമാരന്‍ കുവൈറ്റിലേക്ക് പറന്നു.
No comments:
Post a Comment