കണ്ണൂര്‍ സ്വദേശികളായ പ്രദീപ്, സുഭാഷ് എന്നിവരെ ബിന്റന്‍ ഇടപ്പള്ളി ലുലുമാളിനു സമീപം വിളിച്ചു വരുത്തി പിടിച്ചുപറി സംഘത്തിനു കൈമാറുകയായിരുന്നുവത്രേ. യുവാക്കളെ ആ കാറില്‍ തന്നെ ബലമായി കയറ്റി തോപ്പുംപടി കരുവേലിപ്പടി വികാസ് റോഡില്‍ ഒഴിഞ്ഞു കിടക്കുന്ന ഗോഡൗണില്‍ എത്തിച്ചു.
രാത്രി ഒന്‍പതു മുതല്‍ പുലര്‍ച്ചെ മൂന്നു വരെ ഒന്‍പതംഗ സംഘം ക്രൂരമായി മര്‍ദിച്ച് അവശരാക്കി എറണാകുളം സൗത്ത് റയില്‍വേ സ്‌റ്റേഷനില്‍ തള്ളുകയായിരുന്നു. കാറിനു പുറമേ 13,400 രൂപയും എടിഎം കാര്‍ഡുകളും സംഘം പിടിച്ചു വാങ്ങി. രാവിലെ യുവാക്കള്‍ നല്‍കിയ സൂചനയുടെ അടിസ്ഥാനത്തില്‍ ഗോഡൗണ്‍ കണ്ടെത്തുകയായിരുന്നു. കാവല്‍ക്കാരനായ ബാബുവിനെ പൊലീസ് പിടികൂടി. ഇയാള്‍ നല്‍കിയ സൂചനയുടെ അടിസ്ഥാനത്തിലാണ് മൂന്നു പ്രതികളെ പിടികൂടിയത്. ഇവരെ കോടതി റിമാന്‍ഡ് ചെയ്തു. ശേഷിക്കുന്നവര്‍ക്കായി തെരച്ചില്‍ നടക്കുകയാണെന്ന് എസ്‌ഐ അനില്‍ ജോര്‍ജ് പറഞ്ഞു.
ബാബുവിന്റെ സഹായത്തോടെ ഇവിടെ ഇതിനു മുന്‍പും ഒട്ടേറെപ്പേരെ എത്തിച്ച് മര്‍ദിക്കുകയും പണം തട്ടുകയും ചെയ്തതായി പൊലീസ് സംശയിക്കുന്നുണ്ട്.
സിഐ കെ. സജീവിന്റെ നേതൃത്വത്തില്‍ എഎസ്‌ഐമാരായ ടി.കെ. രാജപ്പന്‍, പി.സി. തങ്കച്ചന്‍, സിപിഒമാരായ പി.എം. സമദ്, സുനീര്‍ എന്നിവരാണു പ്രതികളെ അറസ്റ്റ് ചെയ്തത്. പ്രതികളെ കസ്റ്റഡിയില്‍ വാങ്ങി അന്വേഷണം നടത്തുമെന്ന് പൊലീസ് അറിയിച്ചു.
No comments:
Post a Comment