വിജയ്‌യുടെ കത്തി എന്ന സിനിമ ബുധനാഴ്ചയാണ് റിലീസ് ചെയ്തത്. അതിന്റെ പ്രചാരണാര്‍ഥം വിജയ് ഫാന്‍സ് തിയറ്ററിനോട് ചേര്‍ന്ന് 30 അടി ഉയരമുളള ഫ്‌ളക്‌സ് ബോര്‍ഡ് സ്ഥാപിച്ചിരുന്നു. അതില്‍ പാലഭിഷേകം നടത്തുന്നതിനായി ഉണ്ണിക്കൃഷ്ണനും ഫാന്‍സ് പ്രവര്‍ത്തകരായ പ്രഭു, രാകേഷ്, ഗ്രിഗറി എന്നിവരും പാലുമായി തിയറ്റര്‍ കെട്ടിടത്തില്‍ കയറിയതാണ്. വാദ്യമേളങ്ങളുമായി ഫാന്‍സുകാര്‍ താഴെ നിന്നിരുന്നു.
പാലഭിഷേകം നടത്തിയശേഷം ആവേശത്തോടെ കെട്ടിടത്തിനു മുകളിലൂടെ ഓടുന്നതിനിടയില്‍ ആസ്ബസ്‌റ്റോസ് ഷീറ്റ് തകര്‍ന്ന് ഉണ്ണിക്കൃഷ്ണന്‍ താഴെയുണ്ടായിരുന്ന പഴയ കസേരയിലേക്കു വീഴുകയായിരുന്നു. ഫാന്‍സ് പ്രവര്‍ത്തകര്‍ ഉടന്‍ വടക്കഞ്ചേരിയിലെ സ്വകാര്യ ആശുപത്രിയില്‍ കൊണ്ടുപോയി. പിന്നീട് തൃശൂരിലെ സ്വകാര്യ ആശുപത്രിയിലേക്ക് കൊണ്ടുപോവുമ്പോള്‍ മരിച്ചു. നിര്‍മാണ തൊഴിലാളിയാണ് ഉണ്ണിക്കൃഷ്ണന്‍. അമ്മ: ഷീല. സഹോദരങ്ങള്‍: വിഷ്ണു, ത്രിവേണി.
Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment