നവംബര്‍ 22ന് കണ്ണൂര്‍ കോട്ടകാണാനെത്തിയ വിദ്യാര്‍ത്ഥിനികളെ കൂടെ ആരുമില്ലെന്ന് ബോധ്യപ്പെട്ട യുവാവ് സമീപിച്ച് നല്ലനിലയില്‍ പെരുമാറി അടുത്ത് കൂടുകയും താന്‍ സിറ്റിയിലാണെന്നും പേര് നിയാസ് എന്നാണെന്നും പറഞ്ഞതായി കുട്ടികള്‍ പോലീസിനോട് പറഞ്ഞു. പിന്നീട് ഇവരെ നിയാസ് കാറില്‍ കയറ്റി പയ്യാമ്പലം ഭാഗത്ത് കൊണ്ടുപോയി പീഡിപ്പിച്ചുവെന്നാണ് പോലീസിന് നല്‍കിയ മൊഴി.
വീട്ടിലെത്തിയ കുട്ടികള്‍ രക്ഷിതാക്കളോട് വിവരം പറഞ്ഞതിനെ തുടര്‍ന്ന് അവര്‍ സിറ്റി പോലീസില്‍ വിവരമറിയിക്കുകയായിരുന്നു. ‘നിയാസ്’ പെണ്‍കുട്ടികള്‍ക്ക് നല്‍കിയ മൊബൈല്‍ നമ്പറില്‍ ബന്ധപ്പെടാന്‍ ശ്രമിച്ചെങ്കിലും നമ്പര്‍ പ്രവര്‍ത്തന രഹിതമാണെന്ന് പോലീസ് പറഞ്ഞു.
അതിനിടെ കുട്ടികള്‍ എന്തോ മറച്ചുവെക്കാന്‍ ശ്രമിക്കുന്നുണ്ടെന്നും സംഭവത്തില്‍ ഒന്നില്‍ കൂടുതല്‍ പ്രതികളുണ്ടായിരിക്കാമെന്നുമാണ് പോലീസ് സംശയിക്കുന്നത്.
വര്‍ഷങ്ങള്‍ക്ക് മുമ്പ് ഭര്‍ത്താവിനോടൊപ്പം കോട്ടയിലെത്തിയ യുവതിയെ കൂട്ടുമാനഭംഗപ്പെടുത്തിയ സംഭവത്തിന്റെ ഓര്‍മ്മ മായുന്നതിനിടയിലാണ് വീണ്ടും പെണ്‍കുട്ടികളെ കാറില്‍ കൊണ്ടുപോയി പീഡിപ്പിച്ച സംഭവമുണ്ടായിരിക്കുന്നത്.
No comments:
Post a Comment