വ്യാജ മണല്‍ പാസ്: ആബിദ് ആറങ്ങാടി പിടിയിലായി

കാഞ്ഞങ്ങാട്: വ്യാജ മണല്‍ പാസ് കേസില്‍ പോലീസ് അന്വേഷിക്കുന്ന പ്രധാന സൂത്രധാരന്‍ ആബിദ് ആറങ്ങാടി പിടിയിലായി. വിദേശത്തായിരുന്ന ആബിദ് കരിപ്പൂര്‍ വിമാനത്താവളത്തില്‍ ഇറങ്ങിയ ഉടന്‍ എമിഗ്രേഷന്‍ വിഭാഗം ആബിദിനെ തിരിച്ചറിഞ്ഞ് പോലീസിന് വിവരം കൈമാറുകയായിരുന്നു.

ആബിദിനെ കാഞ്ഞങ്ങാട്ട് എത്തിക്കുന്നതിന് അന്വേഷണ ഉദ്യോഗസ്ഥര്‍ കരിപ്പൂരിലെത്തിയതായി ഹൊസ്ദുര്‍ഗ് ഇന്‍സ്‌പെക്ടര്‍ പി.പി.സുമേഷ് വെളിപ്പെടുത്തി.

കാഞ്ഞങ്ങാട് കൈലാസ് ജങ്ഷന്‍ സമീപത്തെ ആബിദിന്റെ ഉടമസ്ഥതയിലുള്ള സ്ഥാപനത്തില്‍നിന്നായിരുന്നു സര്‍ക്കാര്‍മുദ്രയുള്ള വ്യാജ മണല്‍ പാസ് പോലീസ് പിടികൂടിയത്. സംഭവത്തില്‍ ആബിദിനെ ഒന്നാംപ്രതിയാക്കി പോലീസ് കേസെടുത്തിരുന്നു. 

സംഭവത്തിലെ കൂട്ടുപ്രതി കാസര്‍കോട്ടെ റഫീഖ് കോളോട്ടിനെ ഗള്‍ഫിലേക്ക് കടക്കാനുള്ള ശ്രമത്തിനിടെ കഴിഞ്ഞദിവസം വിമാനത്താവളത്തില്‍ പിടികൂടിയിരുന്നു. എം.എസ്.എഫിന്റെ മുന്‍ ജില്ലാ സെക്രട്ടറിയാണ് ആബിദ്.

Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News