തിങ്കളാഴ്ച രാത്രി ഏഴ് മണിക്കാണ് സംഭവം നടന്നത്. ബേക്കൂറിലെ മദനി മരമില്‍ ഉടമ ഒബര്‍ളയിലെ മുഹമ്മദ് (60), മകന്‍യു.എം. ഷംസുദ്ധീന് (23) എന്നിവരെയാണ് അക്രമിച്ചത്. ഇരുവരെയും കുമ്പള സഹകരണാസ്പത്രിയില്‍ പ്രവേശിപ്പിച്ചു.
മരമില്‍ പൂട്ടി ബൈക്കിലാണ് മുഹമ്മദും മകനും വീട്ടിലേക്ക് പുറപ്പെട്ടത്. ഷംസുദ്ധീനാണ് ബൈക്ക് ഓടിച്ചിരുന്നത്. ബേക്കൂര്‍ സ്‌കൂളിനടുത്തെത്തിയപ്പോള്‍ മൂന്ന് ബൈക്കുകളിലെത്തിയ സംഘം ഷംസുദ്ധീന് ഓടിച്ച ബൈക്ക് തടഞ്ഞു. ഇരുവരെയും അടിച്ചു വീഴ്ത്തിയ ശേഷം കീശയിലുണ്ടായിരുന്ന പണം എടുത്ത് സംഘം കടന്നുകളയുകയിരുന്നു. നാട്ടുകാരാണ് ഇരുവരെയും ആസ്പത്രിയിലെത്തിച്ചത്.
പിടിച്ചുപറി സംഘമാണ് അക്രമത്തിന് പിന്നിലെന്നാണ് ലഭിച്ച വിവരം. ആറുപേരെയും കണ്ടാലറിയാമെന്ന് ആസ്പത്രിയില്‍ കഴിയുന്നവര്‍ പറഞ്ഞു. പൊലീസ് അന്വേഷിച്ചുവരുന്നു.
Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment