പാപ്പിനിശ്ശേരിയില്‍ ജ്വല്ലറിയില്‍ മതില്‍ തുരന്ന് കവര്‍ച്ചാ ശ്രമം

കണ്ണൂര്‍ : പാപ്പിനിശ്ശേരിയില്‍ ജ്വല്ലറി കൊള്ളയടിക്കാന്‍ ശ്രമം. പഴഞ്ചിറ ജുമാമസ്ജിദിന് സമീപത്തെ പാര്‍വതി ജ്വല്ലറിയിലാണ് കവര്‍ച്ചാശ്രമം നടന്നത്. ഞായറാഴ്ച രാത്രി കടപൂട്ടി ഉടമസ്ഥന്‍ വീട്ടിലേക്ക് പോയതായിരുന്നു. തിങ്കളാഴ്ച രാവിലെ പള്ളിയില്‍ പോകുന്നവരാണ് കവര്‍ച്ചാശ്രമം നടന്നതായി കാണുന്നത്. ചുമരിന്റെ രണ്ട് കല്ലുകള്‍ ഇളക്കിമാറ്റിയ നിലയിലായിരുന്നു. ലോക്കര്‍ തുറക്കാന്‍ ശ്രമം നടത്തിയിട്ടുണ്ട്. 

 മൂന്ന് താക്കോല്‍ ഉപയോഗിച്ചാല്‍ മാത്രമെ ലോക്കര്‍ തുറക്കാന്‍ സാധിക്കുകയുള്ളൂ. അതിനാല്‍ ശ്രമം ഉപേക്ഷിച്ചതാണെന്ന് കരുതുന്നു.

കടയിലെ സാധനങ്ങളെല്ലാം വാരിവലിച്ചിട്ട നിലയിലാണ്. കടയുടമ കെ സി ദിനേശന്റെ പരാതിയില്‍ പോലീസ് കേസെടുത്ത് അന്വേഷണം തുടങ്ങി. വളപട്ടണം സി ഐ കെ വി ബാബു, എസ് ഐ സുരേന്ദ്രന്‍, കല്യാടന്‍ എന്നിവരുടെ നേതൃത്വത്തില്‍ പോലീസ് സംഘം സ്ഥലത്തെത്തി. വിരലടയാള വിദഗ്ദ്ധരും സ്ഥലത്തെത്തി പരിശോധന നടത്തി.

Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News