പഴകുറ്റിയിലെ ഹാളില്‍ തിങ്കളാഴ്ച രാവിലെ 11.30നായിരുന്നു വിവാഹം നിശ്ചയിച്ചിരുന്നത്. വരന്‍ ബന്ധുക്കളുടെ അനുഗ്രഹം വാങ്ങി മണ്ഡപത്തില്‍ ഇരുന്നു. പിന്നാലെ എല്ലാവരുടെയും അനുഗ്രഹാശിസുകളോടെ മണ്ഡപത്തിലേക്കു കയറിയ വധു വരനെ ആഞ്ഞടിക്കുകയായിരുന്നു. പുടവകളും താലിമാലയുമായി വരനു സമീപം വച്ചിരുന്ന തട്ടം വലിച്ചെറിയുക കൂടി ചെയ്തതോടെ എല്ലാവരും സ്തംഭിച്ചുപോയി. പിന്നീടു ചേരിതിരിഞ്ഞു ബഹളമായി.
ഹാളിനു പുറത്തു നിന്നിരുന്നവരും അകത്തേക്കു തള്ളിക്കയറി. ഏതാണ്ടു 2500 പേര്‍ വിവാഹത്തിനെത്തിയിരുന്നു. അക്രമാസക്തരായി ചിലര്‍ മണ്ഡപത്തിലേക്കു ചാടിക്കയറിയതോടെ വധുവിനെ അവിടെ നിന്നു മാറ്റി. അപ്പോഴേക്കും പൊലീസെത്തിയാണു സ്ഥിതി നിയന്ത്രിച്ചത്. ആറു മാസം മുന്‍പായിരുന്നു ഇവരുടെ വിവാഹനിശ്ചയം. വധുവിന് എതിര്‍പ്പുള്ളതായി ഒരു സൂചനയും ലഭിച്ചിരുന്നില്ലെന്നു വരന്റെ ബന്ധുക്കള്‍ അറിയിച്ചു. ഒരാഴ്ച മുന്‍പും വരന്റെ ജ്യേഷ്ഠനും മറ്റും വധൂഗൃഹത്തിലെത്തി ഒരുക്കങ്ങളെക്കുറിച്ചു സംസാരിച്ചിരുന്നു.
Keywords: kerala, MalabarFlash, Malabar Vartha, Malabar News, Malayalam News
No comments:
Post a Comment