തമിഴ്‌നാട്ടില്‍ ഉത്സവ എഴുന്നള്ളിപ്പിനിടയിലേക്കു മണല്‍ ലോറി ഇടിച്ചുകയറി അഞ്ചു മരണം

പുതുക്കോട്ട: [www.malabarflash.com] തമിഴ്‌നാട്ടില്‍ ഉത്സവ എഴുന്നള്ളിപ്പിനിടയിലേക്കു മണല്‍ ലോറി ഇടിച്ചുകയറി മൂന്നു സ്ത്രീകളുള്‍പ്പെടെ അഞ്ചു പേര്‍ മരിച്ചു. വിഗ്രഹം എഴുന്നള്ളിച്ച കാളവണ്ടിയില്‍ മണല്‍ ലോറിയിടിച്ചാണ് അപകടം.

ചൊവ്വാഴ്ച പുതുക്കോട്ട തിരുമെയ്യം സത്യമൂര്‍ത്തി പെരുമാള്‍ ക്ഷേത്രത്തിലെ ചിത്ര പൗര്‍ണമി ഉത്സവത്തോടനുബന്ധിച്ചു നടന്ന ഘോഷയാത്രയിലേക്കാണു ലോറി ഇടിച്ചുകയറിയത്. കാളവണ്ടിയില്‍ ഉണ്ടായിരുന്ന നാലു പേരും പിന്നാലെ നടന്ന ഒരാളുമാണു മരിച്ചത്. 

കാളവണ്ടി പൂര്‍ണമായും തകര്‍ന്നു. വണ്ടി വലിച്ച കാളയും അപകടത്തില്‍ ചത്തു. നിരവധി പേര്‍ക്ക് അപകടത്തില്‍ പരിക്കേറ്റു.

Keywords: National News, MalabarFlash, Malabar Vartha, Malabar News, Malayalam News