അരമണിക്കൂറിനുള്ളില്‍ സമീപമുള്ള കെട്ടിടങ്ങള്‍ മുഴുവന്‍ തീ വിഴുങ്ങി. പത്തോളം കടകള്‍ പൂര്‍ണമായും ഗോഡൗണുകളും ഓഫീസ് മുറികളുമായി മുപ്പതിലേറെ മുറികളും കത്തിനശിച്ചു.
ഹനുമാന്‍ കോവിലിനു സമീപമുള്ള ബ്യൂട്ടി സ്റ്റോഴ്‌സ് കെട്ടിടത്തിനു പിന്‍ഭാഗത്തുനിന്നാണ് തീ ഉയര്‍ന്നതെന്നു ദൃക്‌സാക്ഷികള്‍ പറഞ്ഞു. ആ കട ഉള്‍പ്പെടുന്ന രണ്ട് നില കെട്ടിടമാണ് ആദ്യം കത്തിനശിച്ചത്. കോടിക്കണക്കിനു രൂപയുടെ നഷ്ടമാണ് കണക്കാക്കുന്നത്. രാത്രി വൈകിയായതിനാല്‍ ആളപായം ഇല്ലെന്നാണ് പ്രാഥമിക വിവരം.
ഓടും ആസ്ബസ്‌റ്റോസ് ഷീറ്റും മേഞ്ഞ പഴക്കംചെന്ന കെട്ടിടങ്ങള്‍ ആണ് ഈ ഭാഗത്തുള്ളത്. മിക്കതും തുണിക്കടകളായതും തീപ്പിടിത്തതിന് ആക്കംകൂട്ടി. ഓട് പൊട്ടിത്തെറിച്ചും ചൂടും പുകയും കാരണവും കെട്ടിടത്തിന് സമീപത്തേക്ക് രക്ഷാപ്രവര്‍ത്തകര്‍ പോലും എത്തിപ്പെടാന്‍ ബുദ്ധിമുട്ടി. 15ഓളം ഫയര്‍എന്‍ജിനുകളാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്. കരിപ്പൂര്‍ വിമാനത്താവളത്തില്‍ നിന്ന് എയര്‍പോര്‍ട്ട് അതോറിറ്റിയുടെ രണ്ട് ക്രാഷ് ടെന്‍ഡറുകളും 11.15 ഓടെ എത്തി. ഫയര്‍ഫോഴ്‌സിനും പോലീസിനുമൊപ്പം നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്.
രാത്രി പതിനൊന്നരയോടെ കരിപ്പൂര്‍ വിമാനത്താവളത്തിലെ ക്രാഷ് ടെന്‍ഡര്‍ എത്തിയശേഷമാണ് തീ അല്‍പമെങ്കിലും നിയന്ത്രണവിധേയമായത്.
2007ല്‍ മിഠായിത്തെരുവിന് സമീപത്തെ എം.പി.റോഡിലെ ഒരു പടക്കക്കടയ്ക്ക് തീപിടിച്ച് ആറുപേര്‍ മരിച്ചിരുന്നു. ഇതിന് എതിര്‍വശത്തായാണ് ഇപ്പോള്‍ തീപ്പിടിത്തമുണ്ടായത്.
UPDATE
Keywords: Kerala News, MalabarFlash, Malabar Vartha, Malabar News, Malayalam News
No comments:
Post a Comment