വഡാലയിലെ സാങ്വി ഹൈറ്റ്‌സിലെ 3 ബിഎച്ച്‌കെ അപാര്‍ട്‌മെന്റില്‍ താമസിക്കാനിരിക്കുകയായിരുന്നു മിസ്ബ. എന്നാല്‍, അവിടെ താമസിക്കുന്ന മറ്റ് കുടുംബങ്ങള്‍ മിസ്ബയെ അംഗീകരിക്കാന്‍ സാധ്യതയില്ലെന്ന് ബ്രോക്കര്‍ മുന്നറിയിപ്പ് നല്‍കി.
മതത്തിന്റെ പേരില്‍ എന്തെങ്കിലും അധിക്ഷേപം നേരിടേണ്ടിവന്നാല്‍ ഫ് ളാറ്റ് ഉടമകളോ ബ്രോക്കറോ നിയമപരമായി ഉത്തരവാദികളല്ലെന്ന പ്രസ്താവനയില്‍ ഒപ്പിടാന്‍ ആവശ്യപ്പെടുകയായിരുന്നു. എന്നാല്‍ മിസ്ബ പ്രസ്താവനയില്‍ ഒപ്പിടാന്‍ തയ്യാറായില്ല.
അതേ ഫ് ളാറ്റില്‍ മറ്റ് രണ്ട് സ്ത്രീകള്‍ക്കൊപ്പം മിസ്ബ താമസം തുടങ്ങി. ഒരാഴ്ചയ്ക്കുള്ളില്‍ ബ്രോക്കര്‍ സ്ഥലത്തെത്തി ഒഴിഞ്ഞുപോകാന്‍ ആവശ്യപ്പെട്ടു. മിസ്ബയെ പിന്തുണച്ചതിന്റെ പേരില്‍ ഹിന്ദുമതവിശ്വാസികളായ രണ്ട് സ്ത്രീകള്‍ക്കും ഫ് ളാറ്റില്‍ നിന്ന് മാറേണ്ടിവന്നു.
ഫ് ളാറ്റ് നിര്‍മാണ കമ്പനിയെ സമീപിച്ചപ്പോള്‍ മുസ്ലിങ്ങള്‍ക്ക് ഫ് ളാറ്റ് നല്‍കില്ലെന്നതാണ് നയമെന്നായിരുന്നു മറുപടി ലഭിച്ചതായും ഇവര്‍ കൂട്ടിച്ചേര്‍ത്തു. ഇക്കാര്യം ചൂണ്ടിക്കാട്ടി മനുഷ്യാവകാശ കമ്മീഷനും ന്യൂനപക്ഷ കമ്മീഷനും മിസ്ബ പരാതി നല്‍കിയിട്ടുണ്ട്.
Keywords: National News, MalabarFlash, Malabar Vartha, Malabar News, Malayalam News
No comments:
Post a Comment