തിങ്കളാഴ്ച രാവിലെയാണ് നീലം ആശുപത്രിയില്‍ പ്രവേശിപ്പിക്കപ്പെട്ടത്. അപ്പോള്‍ മുതല്‍ ലേബര്‍ റൂമിലായിരുന്നു ഇവര്‍. എന്നാല്‍, രാത്രി 9 മണിയോടെ മാത്രമാണ് നഴ്‌സ് ആശുപത്രിയില്‍ എത്തിയത്. വാര്‍ഡില്‍ വന്നപാടെ നഴ്‌സ് തന്റെ മകളെ ചീത്ത വിളിക്കാന്‍ തുടങ്ങിയെന്ന് നീലമിന്റെ അമ്മ പറയുന്നു. ചീത്ത വിളിക്ക് പുറമേ, മകളെ കൈകാര്യം ചെയ്യാനും തുടങ്ങി. വളരെ ക്രൂരമായ രീതിയില്‍ പരിശോധിച്ച ശേഷം അവര്‍ നീലത്തെ മര്‍ദ്ദിച്ചതായും അമ്മ സരോജ് റാണി പറഞ്ഞു. കൂടെയുണ്ടായിരുന്ന തന്നോടും മോശമായാണ് നഴ്‌സ് പെരുമാറിയതെന്ന് അമ്മ സരോജ് റാണി പറഞ്ഞു.
നീലത്തിന്റെ മരണത്തെ തുടര്‍ന്ന് ക്ഷുഭിതരായ ബന്ധുക്കള്‍ ആശുപത്രിക്ക് പുറത്ത് പ്രതിഷേധിച്ചു. ചാപിള്ളയുമായി പൊലീസ് സ്റ്റേഷനിലേക്ക് മാര്‍ച്ച് നടത്തിയ ബന്ധുക്കള്‍ മൂന്ന് മണിക്കൂറോളം അവിടെ കുത്തിയിരുന്ന് പ്രതിഷേധിച്ചു. തുടര്‍ന്ന് നഴ്‌സിനെയും സെക്യൂരിറ്റിക്കാരനെയും കസ്റ്റഡിയിലെടുത്ത് പൊലീസ് അന്വേഷണം ആരംഭിച്ചു.
Keywords: National News, MalabarFlash, Malabar Vartha, Malabar News, Malayalam News
No comments:
Post a Comment