വൈകീട്ട് 4.45 ഓടെ സ്കൂളില് നിന്ന് മടങ്ങുമ്പോള് കോതമംഗലത്തിനും നെല്ലിമറ്റത്തിനും ഇടയില് കോളനിപ്പടിക്കടുത്ത് എംബിറ്റ്സ് എഞ്ചിനീയറിങ് കോളേജിന് സമീപത്തു വച്ചാണ് അപകടമുണ്ടായത്. റോഡരികിലെ മണ്തിട്ടയില് നിന്ന് ഒരു കൂറ്റന് മഴമരം കടപുഴകി ബസ്സിന് മുകളിലേയ്ക്ക് മറിഞ്ഞുവീഴുകയായിരുന്നു. മരം വീണതോടെ ബസ് പൂര്ണമായി തകര്ന്നു. പന്ത്രണ്ട് കുട്ടികളായിരുന്നു ബസ്സിലുണ്ടായിരുന്നത്. അപകടമുണ്ടാകുമ്പോള് പ്രദേശത്ത് കനത്ത കാറ്റും മഴയുമുണ്ടായിരുന്നു.
കുട്ടികളുടെ തലയ്ക്കും മുഖത്തുമാണ് പരിക്കുള്ളത്. നാട്ടുകാരും പോലീസും അഗ്നിശമന സേനയും ചേര്ന്നാണ് ബസ്സില് നിന്ന് കുട്ടികളെ പുറത്തെടുത്ത് ആസ്പത്രികളില് എത്തിച്ചത്. ബസേലിയോസ്, ധര്മഗിരി ആസ്പത്രികളിലാണ് പരിക്കേറ്റ കുട്ടികള് ചികിത്സയിലുള്ളത്. ഗുരുതരമായി പരിക്കേറ്റവരെ കോലഞ്ചേരി മെഡിക്കല് കോളേജിലേയ്ക്ക് കൊണ്ടുപോയി.
ബസ്സിന് സുരക്ഷാ വാതില് ഇല്ലാതിരുന്നത് കൊണ്ട് ബസ് വെട്ടിപ്പൊളിച്ചാണ് കുട്ടികളെ പുറത്തെടുത്തത്.
Keywords: Kerala Vartha. Kerala Vartha, Malabarflash, Malabar news, Malayalam News
No comments:
Post a Comment