മാഗി ന്യുഡില്‍സിന്റെ അഞ്ച് സാമ്പിളുകള്‍ പരിശോധിച്ചതില്‍ ഈയത്തിന്റെ അംശം അനുവദനീയമായതിലും കുറവായിരുന്നു. ഇതേത്തുടര്‍ന്ന്, ഭക്ഷ്യസുരക്ഷാവകുപ്പിന്റെ എറണാകുളത്തെ ലാബില്‍ പരിശോധിച്ചശേഷം സാമ്പിളുകള്‍ അക്രഡിറ്റേഷനുള്ള സ്വകാര്യ ലാബിലും പരിശോധിച്ചു. എന്നാല്‍, നൂഡില്‍സ് സാമ്പിളുകളില്‍ പ്രശ്‌നം ഉള്ളതായി കണ്ടെത്താനായില്ലെന്ന് ഭക്ഷ്യസുരക്ഷാവകുപ്പിന്റെ റിപ്പോര്‍ട്ടില്‍ പറയുന്നു. വ്യാഴാഴ്ച ഫുഡ് സേഫ്റ്റി ആന്റ് സ്റ്റാന്‍ഡേഴ്‌സ് അതോറിറ്റി ഓഫ് ഇന്ത്യയുടെ യോഗം ഡല്‍ഹിയില്‍ ചേരുന്നുണ്ട്. എല്ലാ സംസ്ഥാനങ്ങളിലേയും ഭക്ഷ്യസുരക്ഷാ കമ്മീഷണര്‍മാര്‍ പങ്കെടുക്കുന്ന യോഗത്തില്‍ ഈ റിപ്പോര്‍ട്ട് ചര്‍ച്ച ചെയ്യും.
ഒരു ബാച്ചിലെ സാമ്പിളുകള്‍ മാത്രമാണ് പരിശോധിച്ചതെന്നും ഒരു മാസം തുടര്‍ച്ചയായി സാമ്പിളുകള്‍ പരിശോധിക്കുമെന്നും ഭക്ഷ്യസുരക്ഷാ വകുപ്പിലെ ഉദ്യോഗസ്ഥര്‍ പറഞ്ഞു.
അനുവദനീയമായതിലും കൂടുതല്‍ ഈയവും,അജിനാമോട്ടോയും കണ്ടെത്തിയതിനെത്തുടര്‍ന്നാണ് കേന്ദ്ര സര്‍ക്കാര്‍ മാഗി ന്യൂഡില്‍സിനെതിരെ നിയമ നടപടികള്‍ ആരംഭിച്ചത്. കേരളത്തില്‍ സിവില്‍ സപ്ലൈസ് വകുപ്പ് മാഗി ന്യൂഡില്‍സിന്റെ വില്‍പ്പന നിര്‍ത്തി വച്ചിരിക്കുകയാണ്.
No comments:
Post a Comment